O BNG vai rexistrar, con carácter de urxencia, no Concello unha serie de preguntas para que o alcalde de Burela aclare e dea as explicacións oportunas sobre as actuacións que se están a levar a cabo nos sumidoiros situados na Rúa do Porto, entre as dependencias de Portos de Galiza e Capitanía Marítima.
Durante o día de onte, camións bomba da empresa concesionaria da auga en Burela, estiveron realizando labores de limpeza nos sumidoiros da rúa do Porto, na confluencia da Avda. da Mariña con Eijo Garay. Segundo puidemos comprobar, a enxurrada e o lixo recollidos están a ser verquidos na explanada portuaria do Berbés, entre ABSA e a zona xeolóxica do Perdouro.
Para o BNG, estes feitos son dunha enorme irresponsabilidade, podendo supór un risco para o medio ambiente e a saúde pública.
O BNG exixe que se paralicen inmediatamente estes verquidos e que se proceda á limpeza do lixo depositado no Berbés, nunha zona de alto valor patrimonial e paisaxístico.
Ante a gravidade que podan ter estas actuacións, o BNG vai presentar por escrito unha serie de preguntas ao alcalde para que aclare esta situación e tome de inmediato as medidas oportunas. Durante o día de hoxe continuaban os labores de limpeza que está a levar a cabo a empresa. O alcalde debe actuar de inmediato e exixir a paralización dos verquidos realizados e ordenar a limpeza da enxurrada depositada no Berbés, nunha zona de alto valor patrimonial e paisaxístico.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
