O Burela FS Pescados Rubén non puido materializar a segunda vitoria da tempada este venres en Son Moix ante Palma Futsal (6-3). Aínda que os de Juanlu souberon repoñerse ante o 2-0 en contra dos minutos iniciais e reducir distancias antes do descanso, no segundo período perdoaron demasiado ante un acertado Barrón e os locais aproveitaron para ampliar a brecha.
Aínda que os mariñanos saíron buscando a presión foi o Palma o primeiro en inaugurar o electrónico e por partida dobre, con Taffy como estilite e Joselito, á contra, nos minutos 6 e 7. Non se asustou o Burela FS, que o intentou con Iago Míguez só ante o meta balear sen éxito, pero si que puido recortar distancias Isi, minuto 9 (2-1). Os de Juanlu buscaron dar a volta ao marcador con moito perigo. Hélder e Matamoros intentaron sorprender a Barrón; o 10 laranxa aínda dispuxo dun par de balóns rozando o descanso ante os que de novo o meta local soubo reaccionar.
Saíron á carga os laranxas na segunda parte. A ocasión de Chicho, no minuto 22, non impacientou ás hostes burelistas, que atacaron sobre a portaría insular con Iago Míguez, Matamoros e Hélder, con grandes saídas de Carlos Barrón. A fortuna que lles faltou aos de Juanlu deseguida encontrárona os de Juanito para anotar o 4-1, cun contraataque finalizado por Vadillo (mintuo 27) e lanzamento de Burrito (minuto 29).
Tras o gol do malagueño, Juanlu apostou por xogo de cinco no 30 con Antoñito como baluarte. Tras unha nova tentativa de Mata sobre Barrón, chegou o tan merecido tanto dos laranxas, nas zapatillas de Jorge Bellvert (minuto 35). Con 4-2, a finalización do 10 burelista non encontrou a rede local e de novo aproveitou a oportunidade o Palma, á contra, batendo a Antoñito (5-2, minuto 36). A dous minutos para o final, Barrón volveu desbaratar as pretensións mariñás, sacando un balón da liña de meta. Vadillo subiu o 6-2 no último minuto sen meta nas filas galegas. Xa sen porteiro-xogador, Jorge Bellvert anotou o 6-3 final a escasos segundos para o final sen tempo para máis.
Ficha técnica
Palma Futsal: Carlos Barrón, Vadillo, Chicho, Burrito e Taffy, no cinco inicial; tamén xogaron Tomaz, Lemine, Joselito, Paradynski, Pope.
Burela FS Pescados Rubén: Edu, Jorge Bellvert, Iago Míguez, Isi e Matamoros, no cinco inicial; tamén xogaron Miguel, Antoñito, Chano, Hélder, Ángel.
Goles: 1-0, minuto 6, Taffy; 2-0, minuto 7, Joselito; 2-1, minuto 9, Isi; 3-1, minuto 27, Vadillo; 4-1, minuto 29, Burrito; 4-2, minuto 35, Jorge Bellvert; 5-2, minuto 36, Taffy; 6-2, minuto 39, Vadillo; 6-3, minuto 40, Jorge Bellvert.
Tarxetas: Polo Burela amarela a Edu, Isi e Miguel.
Árbitros: Bernabeu Aro // Sánchez Ayala.
*Foto: Pensa Palma Futsal.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
