O Concello de Ribadeo ven de presentar un documento de 16 páxinas de alegación ó documento preliminar do “Plan de conservación do Monumento Natural da praia das Catedrais-Augasantas” no que avoga, entre outras cousas, poder conciliar a conservación e preservación de todo o patrimonio natural coa dinamización económica local, en base a un desenvolvemento sustentable.
O documento, con data de 10 de outubro, inclúe dous anexos: un sobre a importancia xeomorfolóxica da costa entre As Catedrais e a Illa Pancha e outro sobre o patrimonio arqueolóxico que reforzaría os valores do propio parque natural.
O Concello recorda que o Pleno da Corporación aprobara por “amplísima” maioría en setembro do 2013 instar á Xunta a cumprir coas súas obrigas de conservación do espazo natural da praia de As Catedrais onde se recollía a tramitación de declaración de Parque Natural á franxa ata Illa Pancha; así coma a conciliación desta protección con medidas de uso e xestión no entorno de cara a un aproveitamento socioeconómico sostible.
Polo tanto, valoran “positivamente” este paso “necesario para atender a problemática e carencias de conservación e xestión que tanto precisa o Monumento Natural das Catedrais”.
Pola contra, cren que “as medidas propostas quedan enfranquecidas no momento de tratar os aspectos socioeconómicos e a realidade que o espazo xoga na dinamización turística do lugar e de todo o concello de Ribadeo”.
Por outra banda, o Concello de Ribadeo reivindica o “xeoparque da costa de Ribadeo”, un Parque Natural baseado nos seus “valores xeomorfolóxicos”. Nese sentido, o documento achega un anexo coa colaboración do especialista en arqueoloxía local, Luís Cordeiro, que da conta do patrimonio arqueolóxico que “reforzaría os valores do propio Paque Natural”. Trátase de catro castros -o das Grobas (Vilaselán), Piñeira, Meirengos (A Devesa) e Os Castros (A Devesa); o asentamento romano de Esteiro e o xacemento de Torre Vella. Polo tanto, cren dende o Concello de Ribadeo que o conxunto da costa dende As Catedrais ata Illa Pancha merece unha “atención preferente”.
Ademais, vincular produtos de gandería e agricultura ecolóxica á imaxe do Parque Natural “pode reportar unha actividade económica secundaria e complementaria, pero tamén pode constituír o impulso para explotacións viables económicamente e, á súa vez, xeradoras dun valor ecosistémico e paisaxístico que redunde no mantemento do entorno”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
