A choiva deunos un respiro e portouse na tarde do sábado permitindo que a 2ª xornada da liga regular da LNB da conferencia NorLeste, se celebrase con bastante puntualidade e, malia a competencia que tiñamos co San Froilán de Lugo, a asistencia de palanadores foi moito mais que aceptable chegando o medio cento de deportivos loitadores que disfrutamos xogando a billarda no alto da Cadeira, ao pé da ermida de San Marcos.
O equipo anfitrión “Pena Verde” encargouse de adecentar e deixar o bravío monte (de ermos e irregulares illotes, franqueados por céspede mol), en condicións de xogo mais ou menos boas (cada quen falará da feira según lle foi nela), que acentuaron o inxenio e pericia dos palanadores para erguer a billarda do chan e golpeala cara o varal.
En dous campos paralelos deron comezo as carreiras que axilmente se foron sucedendo, primeiro mais ou menos según era de esperar e mais tarde con alguha das habituais sorpresas que nos depara a billarda.
Cabe subliñar por imprevistas as victorias de Irea sobre Charli, Manu Caldeiro sobre Geni, Maricarme sobre Regueiro, etc. etc. Chocante e inesperado tamén que Xermán non fora quen de gañar unha soa carreira na tarde e rematase co seu casilleiro a cero.
No lado positivo, a boa actuación dos novos equipos que veñen apertando así como dos benxamines da liga, Lucia e Manu Caldeiro que progresan a pasos axigantados
Houbo algún intento de varado, mais todo quedou en intento, naide atinou co varal e ainda que sobraron forzas, faltou puntería, disque os palanadores da mariña perden moito en altura, pero non é certo. A proba está a vista. Os tres mellores na Cadeira son todos eles mariñans. “Y si nó, desmiéntemelo”!!
A derradeira carreira chegaron con posibilidades de pleno catro palanadores. A Luis de “O Cadaval”, foi un seu compañeiro quen o tumbou e deixouno fora, os outros tres gañaron (Markytos e Franco no terreo de xogo e Juan como se soe decir, nos despachos).
No desempate correspondente, Markytos impuxose sin atrancos gañando as tres carreiras e Juan foi segundo deixando o terceiro caixón para o italogalego Franco (o avó da liga que está feito todo un chaval).
Uns artísticos trofeos de Seixo e mais uns cartuchos de castañas recibiron os tres primeiros de mans dos anfitrións “Pena Verde”, asimesmo o equipo da xornada “Billardeiros Musicais” recibiu como agasallo unha cestiña de castañas.
As clasificacións quedaron asi:
Individual: Markytos 20 p., Juan e Pepe 17 p., Daniel, Kiko, Manu e Regueiro 16 p.
Equipos: Billardeiros Musicais 68 p., O Cadaval 66 p., Carabullo de Teixo 51 p.
Femenino: Geles e Sara 11 p., Irea 10 p., Geni 7 p. e Maricarmen e Sofia 5 p.
Varados: Charli 1 Varado
Parabéns a todos os palanadores/as, en especial os gañadores da tarde e lembrar que a terceira xornada será o vindeiro 25 de outubro en A Pontenova.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
