Cunha sétima posición na categoría XL os viveirenses especialistas en enduro extremo, Santi Chao e Manuel Grandío, lograron colocar ó Enduro Team Galipizza&Cía no Top Ten da décima edición do Extreme Porto Lagares onde se deron cita pilotos de hard enduro de todo o mundo.
A proba comezaba na primeira xornda, a do sábado 11 de outubro, cun prólogo feito con obstáculos artificiais na Ribeira do Porto (Oporto), que serviría para saber a orde de saída da carreira do domingo. Santi Chao marcou o mellor tempo do equipo para situarse no posto 20º dun total de 50 participantes para a saída do domingo.
Xa pola noite, tería lugar unha especial nocturna de 7 quilómetros polos arredores de Lagares que se sumaría ó tempo da carreira do domingo.
E o domingo amencía co ceo anubrado e o chan moi escorredizo debido á choiva que caera pola noite. O equipo viveirese tomaba a saída ás 11.20 horas da mañá comenzando a remontar postos na súa loita pola categoría.
Preto do final da proba situábanse nunha meritoria sexta praza, aínda que un problema mecánico faríaos perder un posto ó final do día rematando sétimos cun tempo de 5 horas e 9 minutos.
Aínda así, foron o primeiro equipo da categoría XL formado por pilotos non portugueses e polo tanto non coñecedores do terreo; aínda que esta é a cuarta ocasión que se desprazan a Porto para participar na proba.
Representando a Asociación Viveiro Enduro tamén acudían a esta cita os mozos pilotos locais Marcos Grandío e Borja Polo que lograban acabar a carreira no posto décimo sétimo cun tempo de 6 horas e 13 minutos. Todo un logro tendo en conta que se trata da proba de Enduro Extremo máis dura do mundo na categoría XL. De feito, de 50 parellas participantes, só 18 chegaron ó final.
Pola súa parte, na categoria PRO o gran dominador do día foi o madrileño Alfredo Gómez Cantero que se impuxo ó actual campión do mundo Graham Jarvis, deixando na terceira posición ó mozo Mario Román.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
