Ribadeo, 15 de outubro de 2014. A vindeira semana volven ás parroquias ribadenses os obradoiros ‘Aquí, como de 20’. As actividades, organizadas polas Concellarías de Igualdade e Servizos Sociais, desenvolveranse durante os meses outubro, novembro e decembro en Remourelle, Cinxe, Santalla de Vilausende, Cedofeita e Rinlo. Trátase dunha quenda que chega tras o éxito das primeiras que tiveron lugar nos anos 2013 e 2014.
Segundo explica Mariluz Álvarez Lastra “no Concello de Ribadeo seguimos coa actividade que nós denominamos Aquí, como de 20. O obxectivo é tratar de dinamizar as parroquias do noso concello e acercar a cultura e o ámbito da igualdade á cidadanía que vive no medio rural. Para iso comezamos a facer unha serie de talleres en catro parroquias a modo experimental. A resposta foi moi positiva e iniciamos polo tanto agora unha nova andaina”.
A concelleira de Igualdade sinalou que “estas tardes de lecer son dúas horas de actividades en cada unha das parroquias ás que lles toca nesta quenda. Comezamos a semana que ven, o 24 de outubro, en Santalla de Vilausende e serán ata o mes de decembro ininterrompidamente. Teñen un compendio de obradoiros alongados no tempo: para traballar a memoria, a autoestima, manualidades, novas tecnoloxías, musicoterapia, merendas… Isto permite algo moi importante como é ter a posibilidade de relacionarse coas persoas que viven no seu entorno máis próximo”.
Álvarez Lastra engadiu que “os lugares onde se vai levar a cabo esta iniciativa neste trimestre son: Remourelle, Cinxe, Vilaosende, Rinlo e Cedofeita. Comezaremos o día 24 de outubro en Santalla de Vilausende, todos os venres de 16.00 a 18.00 horas; os luns: Cedofeita as 16.00 a 18.00 horas e Remourelle de 18.30 a 20.30 da tarde. Os mércores será a quenda para Rinlo de 16.00 a 18.00 horas e Cinxe de 18.30 a 20.30 horas”.
A edil nacionalista indicou que “todos aqueles veciños e veciñas destas parroquias poden acudir a estas actividades, pero calquera persoa que pertenza ao casco urbano de Ribadeo ou a calquera das outras parroquias do noso concello que queira pode incorporarse a esta actividade porque é totalmente aberta e gratuíta. Poden chamar ao Centro de Información á Muller, ao 982 120 739, para inscribirse ou recibir toda a información que precisen”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
