O Presidente da Deputación, José Ramón Gómez Besteiro, recibiu este xoves no organismo provincial a Taty Almeida, integrante da asociación Madres Plaza de Mayo Línea Fundadora e a Francisco Lores, presidente da Federación de Asociaciones Gallegas de la República Argentina, que asinaron no Libro de Ouro da Provincia ao remate do acto. No acto tamén estiveron presentes Fabiana Almeida, coordinadora de Derechos Humanos de Cultura de la Nación; Carlos María Duhalte, consejero de Derechos Humanos de la Embajada de Argentina en España, e Roberto Gudiño, Cónsul de Arxentina en Galicia.
No acto, que contou coa presenza dos voceiros dos grupos políticos, Gómez Besteiro subliñou que o esforzo da asociación das Madres Plaza Mayo Línea Fundadora, que “traballa pola memoria non só dos seus fillos senón de todos os mártires da última ditadura en Arxentina”, é “o froito de case toda una vida de esforzada loita na busca por manter viva a verdade e xustiza a favor dos dereitos humanos”. O Presidente destacou “a incansable e exemplar traxectoria destas nais heroicas e loitadoras”, que levan preto de 40 anos reivindicando “coñecer que ocorreu cos seus fillos, que desapareceron a mans do aparato do Estado arxentino na época de represión militar”.
Nesta liña, Besteiro transmitíulles o compromiso da institución luguesa en sumarse ao propósito de la Madres de la Plaza de Mayo pola recuperación da memoria e a dignidade dos desaparecidos. “Son os vosos fillos, e son os nosos desaparecidos”, sentenciou.
Almeida agradeceu a acollida da Deputación, ao tempo que rememorou a historia da loita das Madres Plaza Mayo Línea Fundadora, que perseguen xustiza para os preto de 30.000 fillos detidos desaparecidos. Fixo fincapé nas bases da súa loita “pola memoria, pola verdade e pola xustiza. Esiximos xustiza legal”, reiterou.
Do mesmo xeito, Gómez Besteiro quixo recoñecer o “traballo incondicional” dos emigrantes galegos na Arxentina na figura do presidente da Federación de Asociaciones Gallegas de la República Argentina, Francisco Lores. Pola súa banda Lores tamén agradeceu a conmemoración na institución luguesa e remontouse ao tempo no que a Federación acolleu ás Madres Plaza de Mayo e as apoiou na súa loita. “A dor é de todos, é universal”, remarcou Lores, quen definiu ás Madres Plaza de Mayo como “nais da humanidade”. Dende a Federación pediron que a Deputación apoie a candidatura para que as Madres Plaza de Mayo Línea Fundadora sexan Premio Nobel da Paz, da dignidade.
Ao remate do acto, o Presidente fixo entrega aos asistentes de cinco cestas de produtos autóctonos, como mel de flores, crema e bolachas de castañas, confituras de froitas, tartas e doces de améndoas, embutidos ou licores.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
