Foz, 16 de outubro de 2014. O alcalde de Foz, Javier Jorge Castiñeira, destaca os datos positivos que arroxa a conta xeral do Concello correspondente ao ano 2013. Foi aprobada nun pleno extraordinario da corporación municipal focense celebrado onte cos votos favorables dos concelleiros do goberno local do Partido Popular e as abstencións dos edís da oposición.
O rexedor municipal manifestou hoxe que “o goberno do Concello de Foz valora moi satisfactoriamente o resultado do pleno extraordinario de onte, no que se sacou adiante a conta xeral do ano 2013 cos votos favorables do Partido Popular e as abstencións do resto dos concelleiros. Os informes eran todos favorables e os datos que se arroxan son moi positivos: estamos a falar de 1.200.000 euros de superávit; ese é o resultado orzamentario positivo, aínda que hai uns matices porque temos pendente de executar algunha subvención e están sen recoñecer esas facturas por cerca de 386.000 euros que quedaron sen crédito no 2013. Aínda así os datos son moi bos, mellores incluso que os do ano 2012, que arroxaba un resultado positivo de máis de 400.000 euros”.
Javier Castiñeira engadiu que “seguimos nesta boa dinámica dende o ano 2011, cando se cambiou o sentido negativo das contas do Concello de Foz e dende entón estanse arroxando datos moi positivos. Os de 2013 lévannos a un remanente de tesourería de máis de 980.000 euros. O endebedamento do Concello en canto a créditos bancarios é menor do 7 por cento, moi baixo para un concello coma o de Foz”.
O alcalde rematou explicando que “isto significa que o Concello de Foz dende o ano 2011 está pagando as súas débedas, baixando o endebedamento municipal e intentando mellorar a liquidez. Isto non se pode negar e moitas veces un quédase sorprendido do que le na prensa porque ante estes datos as queixas son falsas. Nós non vamos tirar flores, pero non queremos que ninguén diga o contrario á verdade e que faga demagoxia coas contas do Concello, que están aí completamente auditadas polo propio interventor municipal”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
