Lourenzá 17 de outubro de 2013.- Os afiliados do Partido Popular de Lourenzá elixiron como nova presidenta da xunta local a Emma Álvarez, quen na actualidade exerce de alcaldesa no municipio.
Fixérono nun conclave celebrado este venres no Salón de Plenos do Concello, e no que estivo presente o líder do PP de Lugo, José Manuel Barreiro, quen agradeceu o traballo do presidente local saínte e puxo en valor a gran labor que está a desenvolver a recén elixida presidenta local, quen a día de hoxe desempeña a función de rexedora no municipio logo de que o seu antecesor ocupase o posto de deputado autonómico no Parlamento Galego.
O presidente saínte, Vidal Martínez-Sierra, manifestou que esta decisión non é unha despedida á política local, senón que se trata de proseguir co proceso de renovación emprendido coa súa saída da Alcaldía. Comprometeuse a seguir colaborando e aportando a súa experiencia en defensa dos seus veciños.
Agradeceu o apoio e traballo desenvolvido polas persoas que lle acompañaron nas executivas do Partido Popular local ao longo destes últimos anos así como no Concello e agradeceu a confianza que en cada comicio electoral depositaron nel e no seu equipo, os veciños de Lourenzá, simpatizantes e afiliados.
A recén elixida presidenta, Emma Álvarez, foi a única aspirante a presidir a formación local e contou con máis do dobre dos avais necesarios para presentar a súa candidatura. Comprometeuse a seguir traballando polos veciños de Lourenzá, atendendo sempre as súas necesidades, dende a cautela e a constancia. “Débome a eles” – manifestou.
COMITÉ EXECUTIVO DO PP DE LOURENZÁ
Emma Álvarez, nomeou ao comité local, entre os que figuran: María José Lourido, Alejandro Fernández, Manuel López, Rubén Méndez, Encarnación Gueimonde, Darío Rodríguez, María Magdalena Prado, Manuel Goas, María Eva Longarela, María del Carmen Terró. Como membros natos figuran: Dino Vidal e Vidal Martínez Sierra. Como libre designación: Félix Alonso, Edelmiro Gallo, Fe Rodríguez e Lupe Flórez.
Traxectoria da recén elixida presidenta local
Emma Álvarez conta cun ampla experiencia política, primeiro como edil en Lourenzá (desde o ano 2007) e tamén como deputada no Parlamento de Galicia na pasada lexislatura, onde presidiu a Comisión de Agricultura e Montes e levou a portavocía da área forestal e de conservación da natureza. Desde setembro de 2012 exerce como alcaldesa da súa localidade natal.
Nada en Lourenzá , no ano 1974, Emma Álvarez é diplomada en Ciencias Empresariais pola Universidade de Santiago de Compostela. No ámbito profesional traballou na sociedade cooperativa Os Irmandiños desenvolvendo distintos postos de responsabilidade directiva.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
