Foz, 17 de outubro de 2014. O goberno municipal de Foz axiliza o pago ás empresas provedoras do Concello que prestan servizos básicos. Explicouno este venres o primeiro tenente de alcalde, Pedro Fernández Manín, en resposta ás declaracións sobre este asunto realizadas polo concelleiro non adscrito Jaime Cancio.
“O señor Cancio, concelleiro desta corporación que pertence agora ao grupo de non adscritos, vai ter nos próximos días todos os informes e copias de facturas que solicitou, como dixo el mesmo publicamente. Por parte deste equipo de goberno damos copias de todos os documentos que nos solicitan, como pode comprobar calquera concelleiro. Todos os reparos que el di que hai por parte de Intervención no pago de facturas corresponden xustamente a servizos básicos, como o de limpeza, o mantemento de instalacións ou a xestión de residuos voluminosos. Con algunhas empresas non se cumpre a prelación de pagos porque se esperamos á orde de pago esas empresas verían moi complicado o seu funcionamento. El sabe perfectamente, porque é posible que tivera algo de influencia nisto, que a algunhas empresas que traballan para ao Concello lles dicía que non ían cobrar e que non se sabía quen sería o alcalde ao mes seguinte. Entón tíñamos que pagarlles para que nos puideran seguir facendo os seus traballos. Todos os pagos que non cumpren a prelación son única e exclusivamente de servizos básicos”, explicou Pedro Fernández Manín.
O goberno municipal focense considera que “o señor Cancio non é a persoa máis indicada para poñernos en dúbida. Primeiro polo que lle ocorreu por onde el pasou politicamente falando, tanto na Delegación de Pesca como no Concello de Foz, cando o seu compañeiro o señor Rivera lle retirou todas as funcións. Ademais nalgúns plenos cando a interventora e a secretaria do Concello lle explican as normativas el contesta quédanme as miñas dúbidas. Dá a impresión de que pretende adaptar a lei ao que el quere. Ademais prexudícalle que paguemos o servizo das escolas deportivas e tamén á guía que puxemos na basílica de San Martiño. Iso é o que lle molesta ao señor Cancio”.
Pedro Fernández Manín engadiu que “esta situación esta causada en parte precisamente porque o señor Cancio foi un dos que non aprobou o pago a provedores e este Concello, co equipo de goberno do Partido Popular, si cumpriu e pagou no tempo que nos marcaron. Entón el ten parte de culpa dos pagos que facemos sen a prelación. Debe pensar un pouco que o Concello de Foz ten que seguir funcionando e este equipo de goberno está comprometido en dar os servizos nestes tempos tan difíciles, o que el non sería capaz de facer”.
Alumeados
O primeiro tenente de alcalde e concelleiro de Medio Rural tamén contestou ás críticas de Jaime Cancio sobre os alumeados públicos: “están igual ou mellor que cando el gobernaba no Concello. Fala dun control no gasto do alumeado público e dixo nun pleno que traía as lámpadas de baixo consumo a 5 euros e que nós estábamos malgastando, o que indica que entende pouco de alumeados. Fala de focos de LED, pero hai que saber o que custan. Tamén dixo que pagamos 30.000 euros pola auditoría eléctrica, pero parece que o señor Cancio non sabe cales son as facturas desa auditoría, mestura outras, porque non custou nin 9.000 euros. Por conseguinte minte cando di que pagamos 30.000 euros por esa auditoría, que detectou claramente que o que tiña que facer o señor Cancio no seu día, cando era primeiro tenente de alcalde, era controlar o consumo da antiga escola obradoiro, que estaba nos estaleiros, porque posiblemente se el controlara o consumo enerxético desa escola obradoiro seguro que poderíamos poñer máis de 100 luminarias completas de baixo consumo”.
Fernández Manín comentou ademais que “chama a atención que agora se dedique tamén a controlar a xustificacións das subvencións da Deputación ao Concello de Foz, dá a impresión de que xa desconfía ata do persoal que ten a Deputación para poder comprobar os xustificantes do Concello, que neste caso os únicos que temos son os da Festa do Berberecho. Estraña que se dedique el a controlar tamén isto en nome da Deputación, porque aquí sempre se xustifican as subvencións con todo e en todo caso quen terá que dicir se está ben ou mal será a Deputación de Lugo, pero xa non sabemos se este señor tamén está na Deputación”.
O primeiro tenente de alcalde remata recomendándolle a Cancio “que se centre e que axude a gobernar para que o Concello de Foz funcione en vez de dedicarse a poñer atrancos todos os días. Que teñan a completa seguridade todos os veciños de Foz de que este equipo de goberno está facendo todos os esforzos para manter os servizos básicos e atender ás empresas nos momentos difíciles nos que estamos”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
