Lugo, 20 de outubro de 2014.- O vicepresidente e responsábel de Benestar e Deportes, o nacionalista Antonio Veiga, vén de asinar a renovación dun convenio coa Asociación Lucense de Esclerose Múltiple (ALUCEM) que posibilita que este colectivo dispoña de un administrativo que se encarga de realizar diversas xestións encamiñadas a mellorar os servizos que ALUCEM lle presta aos seus asociados. Esta axuda ascende a 10.200 euros.
ALUCEM é unha asociación sen ánimo de lucro creada no ano 1996 e que ten como obxectivo mellorar a calidade de vida das persoas afectadas de Esclerose Múltiple e as que as coidan. Membro fundador da Federación Galega de Esclerose Múltiple (FEGADEM) e integrante da Asociación Española de Esclerosis Múltiple (AEDEM), o seu ámbito de actuación é toda a provincia de Lugo, onde na actualidade se contabilizan ao redor de 300 pacientes desta enfermidade, diagnosticándose cada ano uns quince casos novos. Dende os seus inicios, os esforzos de ALUCEM están centrados en brindar un apoio fundamental para manter ou mellorar a autonomía persoal e a calidade de vida dos afectados, tanto dos indirectos, os doentes, como dos indirectos, os que os coidan.
Uns 300 afectados na provincia de Lugo
O obxectivo principal que se marcaron os reitores da asociación para este presente ano é o de afianzar e mellorar a atención e os servizos que ofrecen, cuestión para que se fai imprescindible a continuidade deste administrativo, que se encarga, entre outras funcións, de levar a contabilidade, xestionar a comunicación entre os socios e facer todo o traballo administrativo. Os beneficiarios directos son os 84 asociados de ALUCEM, os indirectos os seus familiares e os potenciais son as 300 persoas afectadas por esta enfermidade en toda a provincia.
Novos servizos
Asemade, para conseguir a meta de mellorar a calidade de vida dos doentes, puxeron en marcha novos servizos. Entre eles atópase o de Hidroterapia e Fisioterapia na Mariña e a implementación dun servizo de atención a persoas afectadas de lugares afastados das bisbarras de Lugo e A Mariña. Outro reto é seguir mellorando a comunicación entre a propia asociación, as persoas afectadas e a sociedade lucense. Para conseguilo están realizando melloras na web e no resto de canles de comunicación que posúen, xunto a difundir os servizos de ALUCEM por toda a provincia. Finalmente, a organización de obradoiros vai encamiñada á recrutar voluntarios que cumpren unha labor fundamental, dado que axudan a que se podan desenvolver servizos como o de hidroterapia.
A Esclerose Múltiple en Lugo
A Esclerose Múltiple é unha enfermidade desmielinizante que afecta ao Sistema Nervioso Central, interferindo na capacidade do cerebro e a médula espiñal para controlar funcións como ver, camiñar ou falar. É a enfermidade crónica máis frecuentes en adultos novos en Europa e a segunda causa de incapacidade neste grupo de poboación, despois dos accidentes de tráfico. A prevalencia da EM na provincia de Lugo é substancialmente superior a do resto da península e aumentou nas últimas décadas.
O carácter crónico e discapacitante da enfermidade fai necesario un tratamento paliativo continuo para retrasar a discapacidade, para a recuperación dos brotes ou incrementar a autonómica. Para, en definitiva, mellorar a calidade de vidas das persoas con EM. Por iso é necesario un servizo de continuado de rehabilitación, así como orientación e asesoramento profesional especializado.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
