Voluntarios de Alcoa e o Club Natación Xove organizaron a II Carreira Solidaria que se celebrará o vindeiro domingo, 26 de outubro, co fin de promover unha vida saudable entre todos os veciños da Mariña e á vez recoller alimentos non perecedeiros para persoas necesitadas. Esta iniciativa forma parte do programa da fábrica no Mes do Voluntariado, que a compañía celebra en todo o mundo.
Este ano espérase superar a cifra de participación do I Carreira Solidaria, que se celebrou o ano pasado e na que participaron máis de 200 atletas de entre dúas e 70 anos en distintas categorías e circuítos, en función da idade e capacidades das persoas inscritas.
Os voluntarios de Alcoa e do Club Natación Xove tamén recollerán os alimentos non perecedeiros que doen os veciños participantes e que se entregarán a Cáritas de Xove para ser distribuídos entre as familias necesitadas da nosa comunidade.
Ambos colectivos, voluntarios e club deportivo, veñen colaborando en numerosas actividades dirixidas a nenos e á poboación en xeral, como formación e prácticas de socorrismo e salvamento, xogos infantís na praia ou unha xornada para persoas maiores, entre outras actividades que contaron con axudas da Fundación Alcoa por un total de 12.000 dólares para o Club Natación Xove. Igualmente, nesta ocasión, Alcoa San Cibrao ten previsto incluír esta iniciativa solidaria e deportiva no seu programa “Alcoa in Motion”, polo que a organización deportiva recibiría 2.500 dólares, como mostra do respaldo de Alcoa ao compromiso social dos seus empregados.
Club Natación Xove é unha agrupación deportiva que ten como misión achegar a natación aos habitantes da comarca mariñá, fomentando a vida sa, a competición, a disciplina e os valores de convivencia. Con ese propósito, fomenta e organiza actividades cívicas e solidarias que transcenden o deportivo, especialmente dirixidas aos máis novos.
A II Carreira Solidaria, do mesmo xeito que a xornada de seguridade no IES Sargadelos celebrada o 20 de outubro, forman parte do intenso programa do Mes do Voluntariado de Alcoa en San Cibrao, que inclúe tamén campañas de donación de sangue, de recolleita de roupa para persoas necesitadas, de recolleita de tapóns de plásticos para beneficio de persoas con necesidades médicas especiais e a limpeza e sinalización zona de Bao en San Cibrao.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
