LUGO, 24 DE OUTUBRO DE 2014.- A deputada no Congreso –Margarita Pérez Herraiz- anunciou este venres que, dentro das emendas que os socialistas rexistraron esta mañá aos Orzamentos do Estado, incluíron un investimento de 24.750.000 euros para a provincia, ademais de 25 millóns de euros para afrontar o problema da supresión da costas lácteas en Galicia; un problema que afecta, principalmente, á provincia de Lugo. O obxectivo da proposta, subraia, é “mellorar as relacións contractuais entres produtores e consumidores, ao tempo que se controlen as consecuencias que provocan no sector a liberalización do mercado”.
Deste xeito, esta é unha das principais emendas presentadas este venres no Congreso dos Deputados e que está destinada a potenciar os principais sectores estratéxicos desta provincia, pois, a maiores do apoio solicitado para o sector lácteo, os socialistas propoñen un plan de axudas para as paradas biolóxicas do cerco galego e da Mariña, por valor de 3 millóns de euros.
“As nosas propostas están motivadas porque non compartimos as prioridades nin a ideoloxía que marcan as contas do Estado, e que son efecto consecuente de medidas tan drásticas aplicadas polo Executivo de Rajoy como as reformas laboral e fiscal, así como o abandono social, referido ao recorte nas bolsas de estudo, en dependencia e en políticas activas de emprego”. Por este motivo, destacou que as emendas rexistradas e que terán que ser aprobadas en Pleno, van encamiñadas a favorecer tamén “o rescate a familias e autónomos, á reindustrialización con impulso da formación profesional e a iniciativas para reducir o desemprego, así como a diminuír o forte declive poboacional das provincias do interior. Neste senso, tamén solicitamos un plan demográfico para Lugo e Ourense dotado con 10 millóns de euros”, indicou.
Máis de 22 millóns para infraestruturas na provincia
Con respecto aos investimentos en infraestruturas para a provincia, e logo da importante baixa rexistrada na execución das partidas do Ministerio de Fomento, pois só a aportación de ADIF o vindeiro ano será un 25% menos do que a administración central propuxera en 2014, as emendas do PSOE, tal e como indicou a deputada socialista, están dirixidas a que a execución se aproxime máis ás previsións e á impulsar infraestruturas viarias “que son imprescindibles para Lugo, e que permitirán vertebrar o noso territorio co resto de provincias e Comunidades limítrofes”.
Neste senso, as propostas presentada neste eido suman un total de 22.050.000 euros, e están destinadas a favorecer a chegada do AVE a Lugo, incluíndo para elo a recuperación do proxecto da Intermodal, así como a impulsar as principais autovías que conectarían Lugo co resto de provincias.
Son as seguintes:
– Estación Intermodal de Lugo: 2.000.000 euros
– Variante da Pobra de San Xillao: 2.000.000 euros
– Estudos para LAV Ponferrada-Monforte: 250.000 euros
– Estudos para LAV Lugo-A Coruña: 150.000 euros
– Estudos para LAV Ourense-Lugo: 2.000.000 euros
– Estudo dun plan para a implatación dos servizos de cercanías en Lugo: 150.000 euros
– Plan de Transporte de Mercadorías: 1.000.000 euros
– Conservación e mantemento: 2.000.000 euros
– Seguridade Vial: 500.000 euros
– Seguridade Vial (A-8): 1.000.000 euros
– A-72 (Lemos-Chantada): 1.000.000 euros
– A-56 (Lugo-Ourense): 1.500.000 euros
– A-76 (provincia de Lugo): 500.000 euros
– N-636 (variante Mondoñedo): 500.000 euros
– Desdobramento Ronda Norte en Lugo: 500.000 euros
– Ronda urbana, antiga N-120, en Monforte de Lemos: 500.000 euros
– Ponte Nova Aceña sobre o río Cabe (Monforte de Lemos): 500.000 euros
– N-120 A., de Castro de Ferreira de Pantón ao límite do municipio de Monforte (ensanche e mellora): 1.000.000 euros
– A-82 Barreiros-San Cibrao: 2.000.000 euros
– Plan de supresión de pasos a nivel: 3.000.000 euros
Posta en valor da Ribeira Sacra e da Costa lucense
Asimesmo, os socialistas incluíron 10 millóns de euros para favorecer o desenvolvemento socioeconómico da Ribeira Sacra, formada polas provincias de Lugo e Ourense, e 1.400.000 para o impulso da Mariña de Lugo. Neste último caso, as partidas son as seguintes:
– Control de regresión da Costa de Lugo: 500.000 euros
– Protección e recuperación de sistemas litorais en Lugo: 500.000 euros
– Dotacións para o acceso e uso público da Costa de Lugo: 400.000 euros
Outras emendas
Ademais, con cargo aos Ministerio de Interior e de Medio Ambiente, os socialistas solicitan que se engadan dúas partidas por valor de 800.000 euros. Dentro do primeiro departamento, propoñen 500.000 euros para a nova Comisaría do Corpo Nacional de Policía de Monforte de Lemos e, no segundo, 300.000 euros para a traída de augas de A Fonsagrada.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
