O alcalde afirma que o PXOM burelés reduce nun 36% o total de fincas que tributarán como contribución urbana e aumenta nun 17% as que tributarán como rústicas

Burela, a 25 de outubro de 2014.- O Plan Xeral de Ordenación Municipal do concello de Burela vai reducir considerablemente a superficie de territorio que a partires do un de xaneiro de 2015 tributará como urbana, e polo tanto aumentará a superficie que tributará como rústica.

O alcalde, José María González Barcia, asegurou que “a aprobación do Plan Xeral de Ordenación Municipal supón vantaxes que algúns continúan negándose a ver: a posibilidade de ampliar o Hospital, o acceso ó porto, a nova escola infantil, as dúas bolsas de solo industrial, etc., non serían posibles sen o PXOM. Pero ademáis hai outra cuestión: a rebaixa que se vai establecer na contribución en nada menos que nun total de 864.355m2, o que significa un 36% de superficie que antes tributaba como suelo urbano sen ter a condición urbanística de tal, superficie que agora, gracias ó PXOM, tributará como rústica”.

Barcia afirmou que “coas normas subsidiarias e coa normativa catastral de antes, eses 864.355m2 estaban considerados como urbanizables nas normas, anque sen dereitos de edificabilidade adquiridos, pero urbanos a tódolos efectos no que se refire ó catastro. Co PXOM, esta situación corríxese: tributará como urbano aquel solo que teña dereitos de edificación adquiridos, e como rústico aquel que non os terá nunca, por ser rústicos a tódolos efectos, e aqueles que no futuro poden ter dereitos de edificabilidade dos que agora non gozan”.

De feito, “segundo datos que se poden extraer do propio documento, a superficie total que pagará a contribución como urbana será de 1.510.927m2, cando antes da aprobación do PXOM era de 2.375.282m2. Pola contra, a superficie que tributaba como rústica era de 5.033.513m2, e agora será de 5.897.868m2, coa salvedade de que dentro desta última cantidade están incluidos un total de 523.079m2 de solo urbanizable que de momento tributarán como rústica, hasta que se desarrollen e adquiran a clasificación de solo urbano consolidado”, asegurou o alcalde.

“De feito, asegurou Barcia, a superficie total que tributará como rústica a partires do un de xaneiro de 2015 aumenta nun 17’17% sobre o que hasta agora tributa como tal”.

O alcalde manifestou que “esto demostra a enorme mentira que o PSOE, e máis concretamente o Sr. Llano, pretendían tender sobre os veciños do noso concello, facéndolles creer que o PXOM resultaba perxudicial a nivel de contribución. Eu reto públicamente ó PSOE e ó Sr. Llano a que mostren os seus datos, se teñen ‘arrestos’, e que os presenten ó público , como nós presentamos os únicos verdadeiros, os que se derivan do PXOM; e pídolles que o faigan con celeridade, porque levan tempo decindo que ían ter reunións con veciños e ainda non tiveron nin a primeira. O que acaban de demostrar é unha absoluta ignorancia do contido do PXOM e un afán de sacar rédito político da mentira e do engano”.

Finalmente, González Barcia indicou que “o concello xa recibiu o escrito do Catastro indicando o procedemento básico para levar a cabo a revisión catastral, e no indicado documento se fai constar que as modificacións producidas polo PXOM, como as que falamos, se levarán a cabo con efectos de un de xaneiro de 2015”.