Lugo, 25 de outubro de 2014.- Roberto Fernández Pena continuará á fronte de Novas Xeracións de Foz tras o congreso celebrado este sábado na localidade da Mariña. Así o decidiron os afiliados, que avalaron a continuidade do mozo popular que presentou un programa co turismo e o emprego como piares fundamentais.
Tras se proclamado presidente, Roberto Fernández manifestou o seu compromiso por continuar a traballar arreo para seguir sendo a voz da mocidade focense, escoitar as súas inquedanzas e defender os seus intereses. “Dende aquí ofrecemos a nosa disposición para colaborar, reunirnos e escoitar a tódalas asociacións xuvenís que haxa no Concello”, asegurou.
Roberto Fernández, licenciado en Ciencias Políticas e con responsabilidades na formación provincial e autonómica de Novas Xeracións; estivo acompañado no Congreso polo presidente provincial de NN.XX., Daniel Vega; así como polo responsable do PP de Foz e alcalde, Javier Jorge Castiñeira; polo secretario xeral provincial do PP, José Manuel Balseiro, e pola voceira do PP na Deputación e vicesecretaria provincial do PP, Elena Candia.
Neste senso, Roberto Fernández quixo agradecer o apoio do PP e, en especial, de Javier Jorge Castiñeira e do seu equipo que a través de “traballo, esforzo, seriedade e rigorosidade están a facer de Foz, un Foz mellor”, e puxo como exemplo a “residencia de maiores e que as arcas municipais ao final da lexislatura estarán moito mellor de cómo se encontraban”.
Programa
A través do seu programa, a nova executiva quere que Foz continúe a ser un referente turístico no norte de España, e que os mozos podan desenvolver os seus proxectos laborais na vila. A maiores, “queremos que o noso rural e as nosas parroquias teñan futuro, dotalas de todos os servizos; así tamén queremos que os nosos maiores teñan a oportunidade de estar coidados nas mellores condicións, con instalacións modernas e profesionais especializados; e isto será unha realidade xa que está en construción a Residencia de Maiores gracias ao Goberno do PP de Foz e ao compromiso da Xunta”.
Un equipo renovado
Roberto Fernández Pena estará acompañado dun equipo renovado “con novas ideas e máis forza, sen perder de vista a liña de traballo que se levou ata agora que é loitar e defender os intereses da xuventude no noso Concello e seguir colaborando co PP de Foz”.
Así, a secretaría xeral recae en Alba Pérez Losada e a vicesecretaría de organización en Martín González Fiallega. Os vogais electos son Sara Pérez Recalde; Kevin Rouco Trelles; Ezequiel Couto Sacido, Diego García Rivera; Hugo González Eijo; Rubén Díaz Prado e Lorena Díaz Prado. Isabel Martín Lestegás e Ramón Andrés Basanta Borrajo son vogais natos.
Un partido comprometido coa xuventude
O secretario xeral do Partido Popular de Lugo, José Manuel Balseiro, encargouse de clausurar o congreso resaltando a paixón coa que Roberto Fernández afronta o reto de continuar a liderar as xuventudes do PP.
Así, Balseiro animou a Novas Xeracións a saír á rúa, a dar a batalla das ideas e a sentirse comprometidos e orgullos co proxecto do PP e de Feijóo que “escoita, entende e atende á xuventude”.
O popular, neste senso, resaltou realidades como a conxelación no que vai de lexislatura das taxas universitarias; a posta en marcha de becas que complementan as estatais ou da primeira Lei de Xuventude de Galicia, ata o punto de poñer en marcha o máis completo plan de apoio á xuventude de todas as comunidades autónomas.
Esta situación, segundo Balseiro, contraponse a unha oposición que di estar ao lado dos máis novos pero que en realidade os despreza, é citou o exemplo de Besteiro que “na Deputación deixa fóra á gran maioría dos concellos lucenses do plan de emprego; ou que non permite as xuventudes socialistas votar no proceso de eleccións dos seus candidatos a alcaldes”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
