O pasado mes de agosto dende o PSdeG-PSOE anunciamos que iniciaríamos todas aquelas accións ó noso alcance para que se aclarase o cobro de dietas de desprazamento por parte do equipo de “desgoberno” do Partido Popular de Burela sen estar debidamente xustificadas, e coa sospeita de que eses viaxes non se facían e se trataba de soldos encubertos .
Remitimos escrito coa pouca información que se nos proporcionou por parte do equipo de “desgoberno” do Partido Popular de Burela, entre outros ó Valedor do Pobo, que segundo nos comunicou estes días admite a trámite a nosa denuncia, abre un expediente con número N.7.Q/22638/14 e inicia os trámites oportunos para que o Sr Barcia aclare o cobro destas dietas de desprazamento polas que preguntábamos.
O Valedor do Pobo no escrito que remite ó Concello é moi claro e pide que no prazo de 15 días se lle facilite toda a información que motivou a queixa do Grupo Municipal Socialista no Concello de Burela.
Isto non fai máis que confirmar o ocultismo que fai o Sr. Barcia e o seu equipo de “desgoberno” dos gastos que se fan a conta dos cartos públicos, e ratifican o noso pensamento de que eses viaxes non se realizaron na realidade e non se trata máis que de sobresoldos de compensación a membros do equipo de “desgoberno” polos servizos prestados.
Esperemos que o Sr. Barcia sexa capaz de poder xustificar estes desprazamentos e o cobro destes cartos xa que de non ser así, e tendo en conta que é o propio Sr. Barcia o que asina a concesión destes cartos terá moitas explicacións que darlle ós veciños e veciñas de Burela.
Dende o PSdeG-PSOE de Burela seguiremos insistindo neste asunto ata que se aclare dunha vez por todas a que se deben os pago destes cartos, as xestións que se foron facer e cal foi o beneficio das mesmas para os propios veciños.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
