Ribadeo, 27 de outubro de 2014. Ribadeo acollerá a partir do 15 de novembro un curso para a formación de guías-intérprete do litoral. Está organizado polas Concellarías de Medio Ambiente e Turismo e pola Universidade de Santiago de Compostela e conta co patrocinio da Deputación luguesa, a través da Área de Cultura e Turismo. A iniciativa enmárcase dentro do convenio que a institución provincial aprobou hai uns días para a realización de actividades de protección e promoción da praia das Catedrais no período 2014/2015. O curso foi presentado esta tarde no salón de plenos do Concello.
O alcalde, Fernando Suárez, dixo que “dentro do convenio que aprobamos e asinamos hai uns días na Deputación de Lugo relativo ás Catedrais, relativo a todo o que nos está a axudar a Deputación, que ata o de agora segue a ser con diferenza a entidade que máis nos leva apoiando e que máis nos continúa apoiando en proxectos reais e tanxibles a día de hoxe, non só en meras especulacións ou meras suposicións de futuribles, senón de realidades ao longo destes últimos anos”.
A nova iniciativa que se levará a cabo será un curso para a formación de guías-intéprete do litoral de Ribadeo, ao que lle seguirán o deseño de itinerarios no litoral ribadense, a creación e o deseño de unidades didácticas para ofertar visitas ás diferentes escolas de Galicia que poidan estar interesadas neste espazo e a contratación de guías do litoral de Ribadeo. Suárez Barcia indicou que “esta fase enténdese coma un proxecto piloto para divulgar e guiar os diferentes roteiros e itinerarios creados no litoral de Ribadeo. E queremos que serva para incentivar a creación de oportunidades de emprendemento neste eido”.
“Trátase da posta en marcha dun plan para por en valor o litoral de Ribadeo, queremos ofertar novas alternativas que permitan un aproveitamento turístico e socioeconómico que canalice as miles de visitas que chegan á praia das Catedrais, sempre compatibilizando a conservación e preservación deste patrimonio natural coa dinamización económica local”, indicou o rexedor.
O curso para a formación de guías-intérprete do litoral de Ribadeo desenvolverase do 15 de novembro ao 14 de decembro os sábados pola tarde e os domingos pola mañá. As prazas que se ofertan son 15 e está dirixido preferentemente a graduados en Bioloxía, Ciencias Ambientais, Xeografía, Xeoloxía e Turismo, aínda que tamén poderán realizalo diplomados e licenciados en xeral ou aquelas persoas que estean en posesión dun ciclo formativo de grado superior relacionado coa materia a desenvolver. En caso de que existan máis solicitudes que prazas levarase a cabo un proceso de selección.
As persoas interesadas en anotarse poden dirixirse ao rexistro xeral do Concello ou á seguinte páxina web: www.ribadeo.gal O prazo para a presentación de solicitudes remata o 11 de novembro.
Os obxectivos do curso pasan “pola dinamización socioeconómica do territorio e por darlle un pulo ao emprego, de forma que reverta na nosa localidade. E tamén por ofrecer un circuíto de alternativas que complementen e enriquezan o atractivo que hoxe supón As Catedrais”. Suárez Barcia sinalou que “desde o Concello cremos que esta iniciativa marcará a estratexia a seguir no modelo de ordenación e xestión que se debería implantar para desconxestionar a visita á praia das Catedrais. Este era un dos puntos que se integraron nas alegacións que o Concello presentou recentemente ao Plan de Conservación do Monumento Natural”.
Caso excepcional e especial
Pola súa banda, o vicepresidente da Deputación de Lugo, Antonio Veiga, manifestou que “aquí se fan cousas palpables e concretas. En todas as iniciativas que se fan coa praia das Catedrais estamos aí porque vemos que o Concello de Ribadeo, tal e como xa denunciamos noutras ocasións, está totalmente solo e desamparado diante do principal referente turístico que temos agora mesmo”. Veiga Outeiro lembrou que “xa temos dito en numerosas ocasións o necesaria que é a declaración de parque natural. O goberno provincial xa se ten pronunciado a favor e o pleno provincial tamén. Nese sentido temos dito practicamente todo o que había que dicir ao respecto, pero a praia das Catedrais necesita duns servizos día a día e para evitar que iso recaia inxustamente sobre todos os contribuíntes de Ribadeo, porque non son todos os contribuíntes de Ribadeo os que teñen que soster as Catedrais sendo un recurso a nivel galego e a nivel estatal. Non é de recibo que os veciños e as veciñas de Ribadeo teñan que pagar que o Concello teña que gastar eses cartos, que son de todos, cando ás veces non os ten. E nese sentido vai a cooperación que a Deputación ten que ofrecer a todos os Concellos, pero este é un caso excepcional e especial polo abandono inxusto que sofre o Concello de Ribadeo doutras administracións”.
O vicepresidente da Deputación engadiu que “esta iniciativa, que está dentro do convenio que asinamos en días pasados, demostra claramente que o Concello cre e sabe o que está a facer. Esta proposta é interesantísima, formar xente para que despois poidan traballar e difundir a riqueza das Catedrais, concienciar á xente do que supón ese areal e do recurso que temos aí. Agardamos que todo saia ben, sorte para os alumnos e alumnas que se formen e que para o vindeiro ano se plasme nesa contratación dos mellores e que poidan desenvolver o seu traballo, porque iso nos beneficiará a todos”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
