Lugo 28 de outubro de 2014.- O Grupo Provincial do Partido Popular na Deputación de Lugo non aceptou hoxe en pleno a proposta dos socialistas de destinar o Mirador a albergue, ao tratarse dunha iniciativa que “non xera riqueza na localidade, nin aceptan os propios veciños”, que, segundo os populares, a cualifican de “broma, chiste, maniobra cínica e mesmo bomberada”.
Polo tanto, dende o Partido Popular deixaron claro no debate celebrado esta mañá que non aceptan unha iniciativa que “alonxa aos peregrinos tres quilómetros arriba da localidade”, a maiores, os populares aclararon que o Camiño Norte non descorre por onde está ubicado o Mirador.
Manobra política
Os populares lembran que o actual equipo de goberno da Deputación de Lugo recibiu o Mirador en funcionamento e agora está desvalixado. “O único que fixeron foi tapiar as portas e as ventás dende que xa levaran o que había dentro”, explicaron dende o PP, ao que engadiron que “en oito anos de goberno non fixeron nada e, a sete meses das próximas eleccións, ocórreselles unha visita a Mondoñedo”.
Dende o GPP consideran que se está ante “unha manobra cínica, ante unha estratexia política, coa que buscan soamente librarse dun morto”; polo que lles piden que “traballen, que cumpran coa súa responsabilidade e que lle dean unha solución ao Mirador beneficiosa para Mondoñedo”. “Traballen algo por Mondoñedo e non queiran deixar un edificio en ruínas na man da institución na que non gobernan”.
O alcalde xa lles dixo o que quería para Mondoñedo
Durante o transcurso do debate da moción, os populares tamén lle lembraron aos socialistas na Deputación que o propio alcalde da localidade (BNG) e o daquela seu socio de goberno (PSOE) en 2007, 2008.. xa lles dixeran que querían para o Mirador “e era un hotel, non un albergue de peregrinos”.
“Está claro”, aseguraron dende o GPP que, “nunca quixeron facer nada”. No primeiro trimestre do 2011, o alcalde de Mondoñedo anunciaba a existencia de dous interesados para xestionar o Mirador como negocio da hostelería. “Pero que foi dese proxecto?”, pregúntanse dende o GPP, “claro, anunciouse no primeiro trimestre de 2011 e había eleccións en maio de 2011”, recriminaron os populares. “Agora estamos ante unha nova estratexia política e creo que lles vai facer mal”, matizaron.
O BNG non o ten claro
Os populares din que o BNG na Deputación sabe que Mondoñedo non quere un albergue de peregrinos no Mirador. “O BNG deixa entrever que non confía na proposta socialista, primeiro non firman a moción do PSOE e agora piden un albergue que chaman multifuncional”. Polo tanto, os nacionalistas o que buscan é, “soamente, criticar á Xunta de Galicia”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
