Ribadeo, 28 de outubro de 2014.- A praia das Catedrais segue a recibir recoñecementos. O último: ser elixida coma unha das sete marabillas rurais do Estado polas miles de persoas que durante tres semanas participaron nunha votación posta en marcha por Top Rural, un blog de turismo rural e de escapadas de fin de semana. O alcalde, Fernando Suárez, amósase satisfeito por esta nova.
O rexedor considera que “temos que estar moi satisfeitos por ter un dos lugares máis emblemáticos do mundo, porque volve estar a praia das Catedrais nestes ránkings de recoñecemento. Agora acadou o posto número catro coma marabilla rural do Estado, destino e escapada de fin de semana, onde competía cunha chea de lugares dunha grande beleza”.
Suárez Barcia sinala que “este noso areal ten tanto a nivel estatal coma internacional unha serie de recoñecementos que fan dela un destino turístico imprescindible para ver, para visitar e para vir aquí a Ribadeo a aproveitar a hostalería, aproveitar o turismo e toda esta riqueza que a praia das Catedrais está a deixar neste concello e por extensión nesta comarca”. Por este motivo o alcalde ribadense agarda que “a todo o mundo lle veña o sentidiño de cara a que as medidas que adoptemos no futuro máis inmediato pasen polo que estamos dicindo desde o Concello de Ribadeo co apoio de numerosísimas persoas, institucións e cargos desde o punto de vista do medio ambiente e do turismo de que hai que regular, pero hai que ter sentidiño para non cortar dun xeito drástico todo este fluxo de xente que nos ven visitar. Sería unha mágoa rachar con isto”.
Fernando Suárez dixo: “a ver si este novo recoñecemento significa un impulso para que todo este litoral da costa poida ser máis cedo que tarde declarado parque natural e que o monumento natural das Catedrais teña un recoñecemento real máis aló de todos estes que nos están dando nestes últimos tempos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
