28 de outubro de 2014.- IV Aberto do Ferro. A Pontenova 25 outubro 2014: O Cadaval vai a por todas.
O sábado 25, a praza dos fornos de A Pontenova foi un fervedoiro de palanadores que atraídos polas famosas navallas do taramundense artesán José Rodil, se deron cita para disputar a 3ª xornada da LNB NorLeste, o xa tradicional Aberto do Ferro na súa cuarta edición.
O marmurio das cristalinas aguas do Eo que decurre a carón, quedou apagado polo bruar constante das billardas que fungaban cara o varal. Espectáculo sin igual protagonizado por 68 bravos loitadores nunha soleada tarde de verán.
O calor reinante e mais o acaloramento das carreiras fixeron que as cadeiras da terraza do bar a carón da pista, non fosen dabondo para dar cabida a tanto demandante de un pouco de sombra.
Con bastante puntualidade comenzou o aberto e xa na primeira carreira, dous dos a priore grupo de “favoritos”, víronse superados polos seus rivais de turno. O palanador errante “Pirucha” chegado de terras do Salnés, espetoulle un varado a Markytos que o privou de optar o pleno e conseguir así facer triplete e o seu compañeiro de equipo Daniel foi superado por Noé. O resto foron salvando as carreiras con mais ou menos atrancos, pero como froita madura tamén foron caendo uns tras doutros. So dous bravos foron quen de facer pleno: Kiko do potente equipo “O Cadaval” e Chousa que vai por libre. No desempate, Kiko foi mellor e acadou o primeiro posto.
Para o terceiro posto tres empatados a nove puntos. Pepe Vidal e David de “O Cadaval” e Peña do debutante equipo “Pena verde”. A mallor experiencia de Pepe e David non foi dabondo contra a ilusión e a entrega do debutante Peña que se fixo ca terceira plaza.
Tamen as donas levaron un recoñecemento ao seu cada vez mais eficaz e vistoso xogo. Geles do tamén debutante equipo “Polka”, foi a mellor nesta xornada superando en puntuación a Lucia de “Remourelle Bulls” e María de “Extensión billarda”.
Como equipos destacou por riba de todos “O Cadaval” que xunto a “Billardeiros Musicais” e “Carabullo de Teixo”, parece que son os que van a loitar por conseguir o campeonato. Ainda está comenzando a tempada pero o comezos non poden ser mellores.
A calurosa tarde non podía por menos que deixar algún varado, así que o xa mentado do primeiro golpe da tarde, seguironlle outros tres mais.
Regueiro (en representación de “Troitas Bravas” organizadores do aberto) oficiou a entrega de premios que como anos anteriores fixo a concelleira de deportes. As preciadas navallas, uns metacrilatos co escudo do Concello de A Pontenova e unas mazorcas de millo corvo, foron entregados aos gañadores do aberto.
As clasificacións logo das tres xornadas quedan así,
Individual: Kiko 26 p., Juan e Markytos 25 p., Chousa, Daniel, Pepe Outeiro, Pepe Vidal e Regueiro, 24 p.
Equipos: O Cadaval 101 p., Billardeiros Musicais 98 p., e Carabullo de Teixo 81 p.
Varados: Adrian, Charli, Daniel, Luis Pirucha e Regueiro 1 VARADO.
A vindeira xornada en San Miguel de Reinante esta prevista para o 15 de novembro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
