Diante da información do SERGAS do pasado día 29, na que indica a ausencia de problemas no Servizo de Cardioloxía do Hospital da Costa, negando motivo ás queixas dos usuarios/as, CIG-Saúde denuncia a ausencia total de cardiólogos no centro dende o día 30 de outubro. De feito, na propia data de publicación do desmentido do SERGAS, o hospital xa quedou cun só cardiólogo a causa da baixa do outro facultativo.
Así e todo, critica a CIG-Saúde, a Xerencia da EOXI de Lugo, “nunha nova mostra de falla de interese polo noso hospital”, autoriza a ausencia os días 30 e 31 de outubro deste único cardiólogo, responsable do equipo de cardioloxía do hospital mariñao, quedando o centro sen profesionais nesta especialidade.
Os usuarios e usuarias do Servizo de cardioloxía veñen denunciando, ao igual que CIG-Saúde, a progresiva precarización do servizo “que dende a administración tratan de tapar con desmentidos propagandísticos que nada teñen que ver coa situación real da sanidade pública na nosa comarca”.
Para a central sindical esta situación é outra consecuencia do decreto de xestión integrada, “con centro de decisión en Lugo, e cun Xerente Provincial, García Quintáns, que coa complicidade do Xerente Executivo do Hospital da Costa, Francisco Soriano, non poden nin queren controlar as necesidades en persoal e organización deste e outros servizos do hospital mariñao”.
De feito, o día 30 o hospital atopouse descuberto de cardiólogos, sen dirección médica, sen Xerente e sen ningunha figura presencial que puidese asumir as responsabilidades e tomar decisións para solucionar estas deficiencias asistenciais. “Unha proba máis do desmantelamento do Hospital da Costa”, alertan.
Fronte ao deterioro da calidade asistencial promovido dende a Consellaría de Sanidade, a CIG-Saúde esixe “que os xestores da nosa sanidade pública deixan de enganar á cidadanía con cortinas de fume e propaganda electoral e que se poñan a traballar para ofrecer un servizos e prestacións de calidade na área de cardioloxía do centro mariñao”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
