O Ministerio de Fomento iniciou unha rolda de reunións con expertos para o desenvolvemento e aplicación de medidas innovadoras, baseadas na aplicación de novas tecnoloxías, para dar resposta aos problemas de néboa no tramo da A-8 comprendido entre Mondoñedo e Careira.
Así, a Ministra de Fomento reuniuse con representan Universidade de Santiago de Compostela e o Grupo Pontes, quen presentaron unha proposta baseada nun sistema de protección contra a néboa no tramo da A-8 na contorna do alto do O Fiouco.
O sistema presentado, cuxa configuración é dun falso túnel, é un dos posibles a considerar nos traballos que se van realizar para definir o mellor sistema de protección contra a néboa.
Medidas de reforzo da seguridade
O tramo da A-8 entre os P.K. 545+680 e 549+680, aproximadamente, onde se encontra o alto de O Fiouco, é unha zona de abundantes néboas e ventos.
Xa durante a fase de construcción das obras se instalaron sistemas específicos para a néboa (3 km de balizas luminosas tipo LED; 2 pórticos de sinalización variable; unha estación meteorolóxica con
visibilímetro e unha cámara de televisión).
No entanto, a Dirección Xeral de Estradas do Ministerio de Fomento, en colaboración coa DXT, está a reforzar as medidas da estrada para mellorar as condicións de visibilidade. Está a dotarse a este tramo da A-8 de todas as medidas contrastadas e eficaces xa utilizadas para estes casos. En concreto, implantáronse as seguintes medidas especiais adicionais:
– Carteis e sinais de reforzo da sinalización de alta reflectancia, de limitación da velocidade a 80 km/h en situación de néboa, con prohibición de adiantamento de vehículos pesados e obrigatoriedade de iluminación nos vehículos en caso de néboa.
– Paneis de mensaxe variable nos enlaces da Xesta e Mondoñedo a efectos de informar sobre as condicións meteorolóxicas, restriccións de tráfico, incidencias e desvíos, no seu caso.
– Visibilímetros e estacións meteorolóxicas adicionais no tramo, que permitirán realizar un estudo meteorolóxico máis exacto.
– Balizas de néboa, colocadas no pavimento e accionadas desde o Centro de Xestión de Tráfico do Noroeste.
– A implantación de máis cámaras de vixilancia, co fin de reforzar o control na zona.
Novos equipamentos ITS
Adicionalmente, a Dirección Xeral de Tráfico e a Dirección Xeral de Estradas están a traballar xa en novos equipamentos ITS (Sistemas Intelixentes de Transporte) que reforcen, máis si cabe, a seguridade viaria en períodos de intensa néboa na zona. Entre eles:
– A instalación de máis paneis de mensaxe variable na zona que sirvan como recordatorios/avisos de alertas.
– A montaxe de sistemas de detección de tráfico.
– Detectores de vehículos pesados na vía con alerta anticipada ao condutor.
– A instalación de máis paneis de mensaxe variable na zona que sirvan como recordatorios/avisos de alertas.
– A montaxe de sistemas de detección de tráfico.
– Detectores de vehículos pesados na vía con alerta anticipada ao condutor.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
