Foz, 6 de novembro de 2014. A Delegación de Cultura do Concello de Foz anunciou este xoves a programación cultural que ten activa para este mes de novembro no municipio. O concelleiro de Cultura, Ánxel Paleo, destacou a importancia do Ciclo de Teatro de Outono nas Parroquias, mediante o cal se levarán obras dos grupos O Batán, de Cangas, Axóuxeres e A Adala ás parroquias de Marzán, Fazouro, San Martiño ou Cordido nas vindeiras semanas. Ademais, o edil recordou que o Concello organiza as proxeccións de películas de cine este mes no CENIMA e animou aos veciños a inscribirse no curso de batukada, que promove a propia Delegación de Cultura de Foz.
Ánxel Paleo indicou que “dende a delegación de Cultura do Concello de Foz, queremos informar da oferta cultural coa que contamos no municipio neste mes de novembro. Dará comezo este venres, día 7, dentro do Ciclo de Teatro de Outono nas Parroquias, co grupo de teatro O Batán, de Cangas, que actuará na antiga Báscula de Marzán ás 21.00 horas. O venres 14 comeza a terceira edición do festival A Capela, que se lles dedica ás bandas xuvenís e no cal actuará a Big Band de Foz. E o venres 28 estará a banda xuvenil For-Fun do Conservatorio de Fingoi de Lugo. O sitio e hora están sen confirmar, aínda que o máis seguro é que sexa na Sala Bahía, na que estamos amañando os estragos da última vez que entraron a roubar”.
Para o responsable da concellería de Cultura en Foz “tamén é importante recordar que o sábado 15, o grupo de teatro Axóuxeres, de Vilaronte, actuará no local da antiga Escola de Fazouro ás 7 da tarde. E seguindo co Ciclo de Teatro de Outono nas Parroquias, o domingo 16 actuará o grupo de teatro Pico do Castro na antiga Escola de San Acisclo ás 18:30 da tarde. E o venres 21 A Adala, de Fazouro, estará no Centro Social de Santa Cilla ás 21:30 dentro da programación das festas desta parroquia no fin de semana. E xa para rematar co teatro de outono, o sábado 29 o grupo O Batán, de Cangas, estará no local da Asociación de Veciños de San Martiño ás 20.30 horas e o domingo 30 actuará o grupo Axóuxeres, de Vilaronte, no centro Social de Cordido ás 18.00 horas”.
Paleo resaltou ademais que “tamén teremos unha obra infantil na Sala Bahía o sábado 29 ás 18:30 da tarde. Nela actuará Ce Orquestra Pantasma. Ademais nos meses de novembro, decembro e xaneiro teremos as proxeccións de películas de cine no CENIMA, xa que acollemos este circuíto que nace coa finalidade de achegar o cine ás localidades que non dispoñen de salas comerciais e tamén coa intención de aumentar as posibilidades de distribución dos filmes galegos e das películas infantís. O catálogo consta de 18 películas, das cales 11 son galegas, entre as que teremos tamén películas para os máis pequenos da casa. A entrada para estas películas terá un custo único de 3 euros. Nas próximas datas diremos o calendario, datas e películas que se van a proxectar”.
O edil recordou tamén que “dende a Delegación de Cultura estamos a organizar un curso de batukada, no que se poden apuntar todas aquelas persoas que teñan máis de 6 anos. A súa duración será de dous meses e terá un custo de 25 euros ao mes. O que queira pode anotarse na Delegación de Cultura, falando con Pili, que é a nosa técnica de Cultura e daralles toda a información que precisen”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
