Viveiro, 24 de novembro de 2014.- Dª. María Jesús Vale López, concelleira do Grupo Municipal do Partido Popular e no seu nome, ao abeiro do establecido no artigo 97 do Regulamento de Organización, Funcionamento e Réxime Xurídico das Entidades Locais, presenta para a súa discusión e, no seu caso aprobación, no próximo Pleno Ordinario a seguinte moción sobre a adhesión ao sistema de seguimento integral da violencia de xénero.
Exposición de motivos
O Sistema de Seguimento Integral da Violencia de Xénero (VIOGEN), creouse ao abeiro do artigo 32 da Lei Orgánica 1/2004, do 28 de decembro, de Medidas de Protección Integral contra a Violencia de Xénero, que establece que: “Os poderes públicos elaborarán plans de colaboración que garantan a ordenación das súas actuacións na prevención, asistencia e persecución dos actos de violencia de xénero, que deberán implicar, ás administracións sanitarias, a Administración de Xustiza, as Forzas e Corpos de Seguridade e os servizos sociais e organismos de igualdade”.
VIOGEN é un sistema informático integral que recolle a Información e os recursos operativos necesarios para asistir ás mulleres vítimas de violencia de xénero. O seu obxectivo principal é a prevención e lévao a cabo a través dunha base de datos común para mellorar a eficacia no seguimento das circunstancias que concorren en cada unha das mulleres que sufriron malos tratos, evitando, na medida do posible, un novo acto de violencia.
Este procedemento permite ter unha constancia permanente da situación das vítimas, actualizando a estimación do risco cando se modifiquen as causas valoradas inicialmente ou se teña coñecemento de novos datos ou antecedentes. Para iso, conta cun sistema de alarmas que se activan cando se dá algunha circunstancia grave para a vítima, como a modificación da situación penal do agresor, ou a súa saída do cárcere, a violación das condicións da orde de protección, a reanudación da convivencia ou a renuncia á orde de protección; alerta se se producen novos acontecementos que elevasen o risco e avisos se aparecen incidencias relacionadas co caso.
O sistema VIOGEN pretende integrar a todas as institucións públicas con competencia en materia de violencia de xénero, para reunir nunha soa base de datos toda a información necesaria e implantar un sistema de notificacións automatizadas para os profesionais dedicados á atención das vítimas de violencia de xénero.
Teñen acceso a esa información as Forzas e Corpos de Seguridade do Estado, as Policías Locais, o Poder Xudicial, Institucións Penitenciarias, Delegacións e Subdelegacións do Goberno, e as Unidades de Violencia de Xénero dependentes das Subdelegacións do Goberno de cada Comunidade Autónoma.
Se pretendemos lograr unha completa colaboración, cooperación e coordinación para mellorar a seguridade e a protección das vítimas e garantir, deste modo, a integridade da muller maltratada e dos seus fillos e fillas, é preciso que participen todos os organismos implicados.
Por todo isto, o Grupo Municipal do Partido Popular presenta o seguinte acordo para a súa aprobación polo Pleno Municipal:
– Que por parte do goberno Local se proceda á adhesión ao Sistema de Seguimento Integral da Violencia de Xénero (VIOGEN) para poder lograr unha resposta rápida e eficaz ante esta terrible eiva social.
– Facultar a Sr.a Alcaldesa á que realice os trámites necesarios para a adhesión ao Sistema VIOGEN.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
