SAN CIBRAO .- A asociación de nais e pais de alumnos do centro de educación infantil e primaria Rivera Casas, de San Cibrao agradece os apoios recibidos que culminaron “na gran cadea humana celebrada o pasado venres alredor do colexio que congregou a preto de 500 persoas”. A ANPA traballa “no recurso xudicial que poida paralizar esta unificación, tramitada desde o obscurantismo máis absoluto”.
Nota de Prensa
Desde o Anpa do CEIP RIVERA CASAS, queremos expresar o noso máis sincero agradecemento ao pobo de san Ciprián polas mostras de apoio e agarimo mostradas durante o último mes a esta comunidade educativa e que culminou na gran cadea humana celebrada o pasado venres alredor do colexio que congregou a preto de 500 persoas, incluíndo a nenos, pais, familia, veciños, alumnos e ex alumnos implicados na historia deste centros; aos grupos políticos que tiveron a ben acompañarnos e como non, aos medios de comunicación que fixeron transcender todas as nosas accións durante todo este tempo e que fan que os pais sentan que se recoñece a súa loita e a súa protesta.
Nestes momentos estamos traballando no recurso xudicial que poida paralizar esta unificación, tramitada desde o obscurantismo máis absoluto e a discriminación e desigualdade de oportunidades. Non cesaremos na nosa loita; non nos rendemos ante un acto de inxustiza, confiados en que se están vulnerando os dereitos dos nosos fillos e dos pais.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
