Bernardo Fraga Galdo, en representación do Grupo Municipal do Bloque Nacionalista Galego de Viveiro, e conforme á lexislacion vixente, presenta ao Pleno da Corporación Municipal de Viveiro a seguinte:
MOCIÓN PARA INSTAR Á CONSELLERÍA DE MEDIO AMBIENTE, TERRITORIO E INFRAESTRUTURAS DA XUNTA DE GALIZA A MELLORAR A SEGURIDADE DA ESTRADA LU-540 ENTRE MURAS E VIVEIRO.
Exposición de motivos:
A estrada LU-540 que une Viveiro con Roupar, pasando pola Gañidoira, é unha das vías máis transitadas por veciñas e veciños de Viveiro e arredores, para saír de Viveiro en dirección ás principais ciudades e vilas galegas. Son moitas e moitos os condutores que empregan a estrada a diario para desprazarse aos seus postos de traballo e por condutores de camións e furgonetas de reparto que fan o seu servizo pola mesma.
Coa chegada do inverno, volven a detectarse as deficiencias de seguridade da estrada LU-540. En canto ao pintado das liñas, invisibles en días de choiva ou de néboa, días habituais na zona nesta época do ano, provocan unha situación de verdadeira inseguridade para os usuarios da vía, que en moitos casos non logran circular en condicións polo carril correspondente.
Así mesmo continúa a existir o problema dos animais soltos na estrada, cunha presenza constante e moi perigosa para os condutores, que teñen provocado numerosos accidentes de circulación, e que a Xunta de Galiza, tentou solucionar coa colocación de grandes sinais de perigo de animais (como se os animais foran saír da vía, pola presenza das sinais).
Por estes motivos o BNG presenta a seguinte proposta para o seu debate e acordo:
1º- Instar á Consellería de Medio Ambiente, Territorio e Infraestruturas da Xunta de Galiza á executar o pintado inmediato da LU-540 entre Viveiro e Roupar, pola Gañidoira.
2º- Instar á Consellería de Medio Ambiente, Territorio e Infraestruturas da Xunta de Galiza a colocar elementos de seguridade nos bordes da estrada, que impidan a presenza de animais salvaxes na vía.
3º- Remitir o acordo ao grupos políticos con representación no Parlamento Galego.
Viveiro, a 29 de novembro de 2014.
Bernardo Fraga Galdo
Portavoz Municipal do BNG de Viveiro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
