Santiago, 10 de decembro de 2014.- O voceiro do Mar do Grupo Popular, Jose Manuel Balseiro, volveu a apelar á necesaria unidade do conxunto das forzas políticas galegas en defensa da continuidade da arte do xeito e fixo un chamamento á responsabilidade de BNG e de AGE para que “non rachen este apoio unánime, realizando propostas trampa que só serven para confundir ao sector”.
Así o asegurou o deputado no transcurso do debate que tivo lugar esta tarde na Comisión de Pesca da Cámara galega e no que os votos do PP rexeitaron varias iniciativas dos nacionalistas que coincidían en demandar á Xunta que empregase a competencia exclusiva en augas interiores para autorizar a pesca de sardiña coa arte do xeito.
CONFIANZA NO FUTURO
Os populares mantiveron os argumentos empregados nas moi diversas ocasións nas que, con anterioridade, desde as forzas políticas da oposición fixeron esta mesma proposta. En concreto, reiteraron que se Galicia permite unilateralmente a pesca da sardiña en augas interiores incorrería nunha situación ilegal, “nun camiño sen saída e con perigos” xa que podería implicar sancións por sobrepesca ou incluso, o que sería peor, a imposición dun TAC unilateral por parte da Comisión Europea.
En todo caso, Balseiro quixo poñer en valor o feito de que o Parlamento de Galicia, a través de varios acordos en Comisión e dunha declaración institucional do Pleno, xa se ten pronunciado por unanimidade en apoio das iniciativas emprendidas pola Federación Galega de Confrarías e pola propia Xunta.
Nesta liña, o voceiro popular do Mar confiou en que as negociacións que se veñen desenvolvendo tanto coa Comisión como co Parlamento Europeo obteñan os seus froitos e as institucións comunitarias teñan en conta todos os informes que desde Galicia e o Goberno se veñen achegando en defensa do xeito.
Balseiro insistiu en “traballar coa razón” e convencer con argumentos “moi medidos e estudados”, como os formulados pola Xunta, entre os que está a defensa dunha arte que non é prexudicial e que está regulada desde o ano 1991. O deputado popular insistiu en que o xeito non pode equipararse a outros aparellos de arrastre, pois nin quedan atrapadas aves, nin cetáceos e ademais é, desde o punto de vista pesqueiro, moi selectiva, limitándose a capturar sardiña e outros pequenos peláxicos.
VISITA DO BNG A EUROPA
Balseiro tamén dixo que a visita do BNG en Europa só serviu para “convencer a dous dos seus”: un eurodeputado italiano do movemento Cinco Estrelas e á ponente socialista. Sinalou que aos únicos que non fixo falla convencer foi aos populares, “porque xa están convencidos, e dispoñen da información precisa grazas á Xunta e aos eurodeputados Millán Mon e Gabriel Mato”. O deputado concluíu emprazando a que o resto das forzas políticas tamén comprometan o seu apoio ao xeito e o do conxunto do grupo do que forman parte na Eurocámara.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
