A Vicepresidencia da Deputación achegará 100.000 euros para que o Club Kayak Foz conte con novas instalacións para a práctica do piragüismo na ría do Masma. A Xunta de Goberno da Deputación aprobou esta mañá o proxecto e o orzamento para o novo hangar de piraguas, que será unha realidade no ano 2015.
As novas instalacións, de carácter permanente, substituirán ás vellas instalacións coas que contou o club até o de agora, unha simple caseta de obra prefabricada con moitos anos de antigüidade e en moi mal estado. De feito, as graves deficiencias das instalacións actuais, que presentan un deterioro moi importante dos elementos das estrutura da cuberta, con desgaste e desencaixe do seu panelado e deficientes niveis de seguridade, o que non se podería solucionar con actuacións menores de reparación e mantemento, máxime cando está exposta aos efectos do ambiente mariño.
Ao mesmo tempo, a infraestrutura actual non era funcional para o seu uso como hangar para as embarcacións e non permitía cubrir a demanda de espazo existente dado o elevado número de usuarios e usuarias cos que conta o club, impedindo deste xeito a mellora do rendemento deportivo e competitivo do club e os seus deportistas.
Apoio decidido ao deporte do piragüismo e o remo na comarca
A área de Deportes da institución provincial, que dirixe o nacionalista mariñán Antonio Veiga, decide apoiar deste xeito o intenso traballo que está a realizar nos últimos anos o Club Kayak Foz, un club histórico do deporte náutico da comarca fundado no ano 1983 e presidido neste momento por Ignacio Romillo Díaz.
“Cando no ano 2007 chegamos ao Goberno da Deputación e asumimos as competencias en materia de Deportes, decidimos apostar pola revitalización dos deportes náuticos, nomeadamente das disciplinas do remo e o piragüismo na provincia de Lugo e de xeito moi especial na comarca da Mariña, como medidas como a creación da Copa Deputación de Piragüismo ou o apoio aos clubs de remo mariñáns. O resultado está aí e é exitoso: clubs renovados con novos folgos e máis vivos ca nunca e aumento moi notable do número de practicantes e sobre todo con grande incorporación de nenos e nenas, que son a garantía de continuidade dos deportes naúticos na comarca”, afirma Antonio Veiga.
O vicepresidente da Deputación quixo felicitar “aos seis clubs existentes na comarca polo seu traballo: Kayak Foz, Altruán de Ribadeo, Club Deportivo San Ciprián, Club de Piragüismo Viveiro, Club Remo Ribadeo e Club de Remo Celeiro” e mostroulles novamente o seu “apoio e colaboración para aproveitar entre todos a tradición e o potencial que ten a comarca da Mariña nestas disciplinas”.
Un club histórico con moito traballo na base
O club focense conta neste momento con 70 mozos e mozas padexeiros federados, 40 deles participantes habituais en regatas como a Copa Deputación, competición na que o Club Kayak Foz leva varios anos acadando o subcampionato, ou a Liga Galega de descenso de ríos e travesías.
Padexeiros e padexeiras de categorías infantil, alevín, cadete e xuvenil do Kayak Foz compiten en competicións a nivel galego e estatal e novos talentos como Xoel García ou a parella formada por Alexis Navas e Juan Rivas están xa na elite do piragüismo.
Asemade, o Club Kayak Foz organiza cada verán a Travesía Ría de Foz, unha das probas máis antigas de Galiza, que este ano chegou á súa 52 edición, e na que participaron máis de 400 padexeiros e padexeiras, o que dá boa mostra do asentamento social do deporte do piragüismo en Foz e na comarca mariñá.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
