Santiago de Compostela, 14 de xaneiro de 2015. O portavoz de pesca, Daniel Rodas xunto á deputada no Congreso, Olaia Fernández Davila e a portavoz do BNG en Europa, Ana Miranda mantiveron este mércores unha reunión cos membros da Asociación do cerco de Galiza (ACERGA), no Parlamento galego, para analizar a situación derivada da redución das cotas que condena “ao sector á súa desaparición”.
Tras a xuntanza, Daniel Rodas anunciou o compromiso desta forza política de trasladar as peticións de ACERGA ás diferentes institucións co fin de acadar un novo modelo para esta actividade pesqueira afectada “gravemente” pola reducións de cotas para a xarda, sardiña e xurelo.
O deputado lembrou que a flota galega conta cunha regulación de capturas dende hai 30 anos e foi a propia conselleira do Mar, Rosa Quintana, a que trasladou a Madrid “a liberalización das capturas” o que, na súa opinión, representa “un suicidio para o sector”.
As cotas da xarda responden a un modelo discriminatorio
Para o portavoz de pesca nacionalista, reducir a menos de 30.000 toneladas as capturas da xarda, (no 2013 foron 40.000) para todo o Estado e utilizar o criterio de grandes embarcacións fronte o número de barcos e tripulacións resulta “inasumible” e conduce a eliminar o dereito a pescar da flota galega.
Sobre o xurelo afirmou que “existe unha grande cantidade desta especie” e as cotas poderían aumentar se houbera “vontade política”.
Pola súa parte, o portavoz de ACERGA, Andrés García afirmou que “non se pode repartir o que non se ten” en relación ás 19.000 toneladas de sardiña para Portugal e Estado español, unha caída do 26% do xurelo no Cantábrico e Noroeste, e unha redución da xarda nun 15%.
A deputada no Congreso, Olaia Fernández Davila reiterou que o BNG presentará novas iniciativa en Madrid para reclamar un novo modelo de cotas e distribución de zonas de pesca, “ o sector pesqueiro do litoral galego non pode seguir perdendo capacidade de pesca e abocalo ao desguace”. Son moitos, engadiu, os postos de traballo que dependen deste sector que dinamiza a economía das poboacións do litoral.
Reivindicacións do sector no Parlamento galego
Daniel Rodas explicou que esixirá no Parlamento galego a subvención ao paro biolóxico da sardiña, “un aumento da cota en función de número de barcos e tripulacións” e solicitar o trasbase de “cotas doutras zonas a Zona 100-8-C”, dende Fisterra ata o Golfo de Biscaia.
Miranda leva a Europa o reparto discriminatorio de cotas
Ana Miranda, portavoz do BNG en Europa, recalcou que o actual modelo produtivo “discrimina a Galiza”, a pesar do cumprimento e plan de xestión da flota galega.
Dende o BNG, dixo, valoramos a reunión con ACERGA porque resulta necesario “aunar forzas” ante un negro futuro por mor da diminución de cotas. O cerco en Galiza está representado en moitas zonas e conta cun gran impacto económico polo que de novo cuestionou “o reparto”.
Esta situación discriminatoria levarémola ao Congreso, Parlamento galego e Parlamento europeo para denunciar o “reparto inequitativo” e acadar a decisión política de acadar cotas noutros mares, concluíu.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
