A Deputación de Lugo esixe unha rectificación pública e inmediata ao PP provincial pola “cadea de disparates que está a dicir sobre os Orzamentos Participativos, o último, en relación ao custe das cartas enviadas aos veciños que tomaron parte neste proceso”. A Deputada de Economía, Recadación e Facenda, Pilar García Porto, demandou á voceira provincial do Partido Popular “que deixe de obstaculizar dunha vez este procedemento de participación sen precedentes entre as deputacións españolas, e que deixe tamén de poñer excusas para que os veciños non participen”.
García Porto explicou que os primeiros Orzamentos Participativos dunha Deputación en España “contemplan a obrigada resposta aos veciños e asociacións participantes e ás súas propostas”.
A resposta realizouse de tres formas diferentes: por correo electrónico, que foi a principal canle de comunciación escollida polos participantes, e con custe cero no proceso de resposta; a través das propias asociacións veciñais; e directamente aos veciños que fixeron propostas a título individual.
Polo tanto, responder a través da primeira canle tivo custe cero para a administración provincial, que só tivo que enviar cartas por correo postal por un valor de 3.500 euros para responder aos veciños que escolleron este sistema.
Deste xeito, “a disparatada cifra de 156.000 euros dada polo PP volve responder á desinformación absoluta e falta de rigorosidade demostrada pola voceira do Partido Popular, cuxa credibilidade e solvencia política está en dúbida dentro do seu propio grupo e provoca a feble situación na que se atopa no seu partido, algo que é vox pópuli”, subliñou Pilar García.
Contestación ás propostas veciñais, punto por punto
“As prácticas demócratas, que brillaban pola súa ausencia na Deptuación de Lugo co Goberno popular, esixen responder aos veciños cando se dirixen á administración”, asegurou a Deputada, quen recalcou que as propias bases dos Orzamentos Participativos “parten de que os veciños da provincia fan propostas e teñen que ser informados en tempo e forma de cada unha delas. Non son cartas electoralistas, son cartas nas que a institución contesta, punto por punto e de xeito argumentado, se as propostas veciñais son admitidas ou non, por que, e en que prazo se levarán adiante”.
“Entendemos que a democracia e o Partido Popular son antagónicos e recomendámoslle ao señor Barreiro e a súa tropa que empecen a aplicar a democracia dentro das súas filas, o que lles evitaría moitos espectáculos públicos como os que están dando”, afirmou García Porto.
Para a Deputación, o que teñen que facer os populares “é tomar nota e perderlle o medo a que o cidadán vote. Aplicalo no seu partido e alí onde gobernan”.
A Deputada de Economía lembrou que a propia Federación de Asociacións de Veciños de Lugo lle pediu ao PP “que rectificase as manifestacións nas que asegurou que este procedemento de participación é fume”. García Porto sinalou tamén que “estamos recibindo felicitacións dos veciños e numerosas consultas doutras administracións galegas e españolas que queren seguir por este camiño de transparencia e mellora da calidade democrática que abriu a Deputación de Lugo”.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
