Foz, 19 de xaneiro de 2015.- O BNG de Foz, a través da súa responsable local Lorena Seivane, denuncia os novos recortes sanitarios que a Consellaría de Sanidade está aplicando desde agosto no Centro de Saúde de Foz e insta ós veciños e veciñas da vila e das comarcas a utilizar o seu dereito democrático a reclamar, máis aínda nun servizo público como é o Sergas.
Desde xaneiro do pasado ano non se cobre a redución de un terzo de xornada por conciliación familiar e laboral de Pediatría.
Ademais, o médico de urxencias só traballa tres días á semana, cando antes cubría de 15.00 horas a 22:00 horas de luns a venres (asistencia que se conseguiu grazas á reivindicación dos veciños e veciñas de Foz) e agora só o fai luns, mércores e venres.
Recordamos que antes era o médico de tardes o que só traballaba estes tres días á semana (o substituto que cubría a baixa do doutor Pavón). O BNG levou a pleno unha moción, aprobada unanimemente, para cubrir eses dous días que non se atendía o cupo das tardes. Parece, agora, que se cambiaron as tornas.
O BNG non comparte as xustificacións do Sergas de que se atende igual tres días que cinco e demanda a cobertura completa da praza de forma inmediata.
É máis, esiximos tamén que o Sergas cobra as baixas dos médicos de mañá con substitutos, cousa que, polo de agora, non se está a facer e que, como consecuencia, sobrecarga o resto de persoal sanitario e leva consigo o déficit de atención dos pacientes. É máis, estase chegando a acumular as citas durante os tres primeiros días de baixa e logo repartilas entre os outros facultativos, saturándoos e facendo que se acumulen retrasos de horas.
Esta situación está traendo cada vez máis malestar entre os pacientes e moitas son xa as persoas que mostraron a súa protesta por este feito e incluso que se cambian de médico porque se senten discriminados ao non ser atendidos nas mesmas condicións que co resto dos médicos do centro.
Segundo Lorena Seivane, o BNG ve neste recorte unha clara pretensión por parte do PP de eliminar prazas do Centro de Saúde de Foz como está acontecendo xa en outros municipios da comarca e da provincia. Así que, o BNG vai comenzar unha campaña de reclamacións e insta ós veciños e veciñas a que utilicen as follas de reclamacións e que manifesten o seu descontento. Para axudar nesta labor e facernos oír, unha vez máis, sairemos á rúa. O BNG de Foz estará diante do Centro de Saúde de Foz este mércores, día 21, e o seguinte, día 28, desde as 9:00 horas polas mañás e desde as 19:00 horas polas tardes.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
