Ribadeo, 20 de xaneiro de 2015. O alcalde de Ribadeo, Fernando Suárez, denuncia o retraso que están a sufrir as autorizacións que a Dirección Xeral de Patrimonio debe emitir para que algúns particulares poidan acometer obras nas súas casas, situadas no Camiño Norte de peregrinación a Compostela. No 2014 foron solicitadas 118 autorizacións, das que aínda hai pendentes de resolver 14. O rexedor subliña que en moitos casos chegan ata os 4 meses de espera, algo que cualifica de inxusto. O Concello enviaralle un escrito a Patrimonio denunciando esta situación e demandando que axilicen ao máximo estes trámites.
Suárez Barcia dixo: “temos que falar dunha situación inxusta que se nos produce nos últimos tempos, sobre todo cando á administración autonómica e á do Estado se lles enche a boca falando de axilizar a administración e facela moito máis alcanzable, logrando que os trámites duren moito menos tempo. Mentres, nós vemos como a xente que vive no casco vello ou nas parroquias por onde pasa o Camiño Norte de Santiago, que queren facer obras e que polo tanto teñen que ter permiso previo de Patrimonio antes de que o Concello outorgue a licenza de obra, ven demorado este proceso moitísimo no tempo, e nos últimos meses moito máis”. Segundo o alcalde ribadense “calquera expediente que teña que ir á Dirección Xeral de Patrimonio a Santiago, conta cun tempo de espera para que emitan un informe que se está achegando polo menos aos catro meses, cifras que son imposibles de crer hoxe en día, no 2015, con tanta informatización. Ata tal punto, que cando dende o propio Concello chamamos aos técnicos, o que nos din é que están desbordados, que non teñen xente e que dalgunha maneira fagamos o posible por protestar nos medios de comunicación para que se fagan cargo os responsables autonómicos porque isto non pode seguir así”.
O rexedor referiuse a casos concretos: “hai xente que está a esperar por lousar unha casa dende hai varios meses, e co que está a chover nestes últimos tempos…; hai xente que quere facer pequenas obras, ou non tan pequenas, pero que requiren informes de Patrimonio e teñen que esperar moitos meses antes de que o Concello poida sequera dar a licenza de obra porque coma é preceptivo ten que ter estes informes previos. E hai que recordar que Ribadeo non é calquera cousa”.
Fernando Suárez subliñou que “en Ribadeo no ano 2014 pedimos por casas, por hórreos, por rúas, etc… un total de 118 autorizacións a Patrimonio. Agora mesmo están pendentes de informe 14 delas dende hai tempo. Polo tanto, nós o que imos é a dirixirlles un escrito aos responsables da Dirección Xeral de Patrimonio no que lles pedimos que teñen que axilizar, porque aquí non se trata de que ninguén nos saltemos ningún paso, senón que temos que facer todo coma marca a norma. Pero é que a administración autonómica non está indo ao ritmo que demandamos os Concellos, especialmente Ribadeo”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
