A executiva do PSdeG-PSOE de Burela denuncia “unha vez máis, a desidia e a deixadez do equipo de “desgoberno” do Partido Popular de Burela que demostra, como o leva facendo dende que chegou ó goberno: unha falla de resolución dos problemas dos veciños e veciñas de Burela que é un insulto para os mesmos”.
No boletín informativo que dende o PSdeG-PSOE de Burela sacamos cando se fixeron os dous anos de “desgoberno” do Partido Popular en Burela xa denunciábamos a situación na que se atopaba un tramo de beirarrúa na Rúa Castelao, pois ben, a día de hoxe aínda está no mesmo estado no que se denunciaba daquela. Esta beirarrúa leva máis de dous anos nun estado lamentable e impracticable, o que orixina que se poña en risco a seguridade e a saúde dos que por alí se ven obrigados a circular, obrigando ós veciños e veciñas que levan carros de bebés ou da compra a ter que meterse na propia rúa para poder circular, poñendo en risco a súa seguridade. Pero ademais disto, no pasado mes de xuño os veciños e veciñas afectadas presentaron un escrito no Concello alertando desta situación ante a pasividade deste equipo de “desgoberno” en resolver este problema, e sete meses despois a situación segue sen arranxarse, a nosa pregunta é: que teñen que facer os veciños para que se atendan as súas demandas?.
Resulta chocante a celeridade coa que o Concelleiro de Obras arranxou a rúa do seu chalet cun custe de 22.705,86 euros, e cun sobrecusto nesa obra de máis de 6.000 euros o que fai unha suma de preto de 30.000 euros de todos os veciños e veciñas de Burela, e que non haxa ninguén que sexa capaz de ir poñer corenta plaquetas nunha beirarrúa que da servizo a moitos veciños e veciñas. Isto demostra ben ás claras o interese que ten este equipo de “desgoberno” polos veciños e veciñas. É evidente que para este equipo de “desgoberno” hai veciños de primeira e de segunda, que debe ser o caso dos veciños da Rúa Castelao.
Por medio desta nota de prensa esixímoslle ó equipo de “desgoberno” do Partido Popular que arranxa dunha vez esta situación, situación que demostra que este “desgoberno” goberna de costas ós veciños e veciñas centrándose única e exclusivamente en arranxar ós seus problemas e os seus intereses persoais.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
