Despois do apaixonante duelo entre Burela FS Pescados Rubén e Atlético de Madrid Navalcarnero no podio de Primeira División RFEF (16.00 horas), a Tarde Laranxa de Vista Alegre continuará co seleccionador nacional, José Venancio López Hierro como invitado de luxo, ás 18.30 horas coa visita do sólido Palma Futsal na 20ª xornada da elite LNFS.
O equipo de Juanlu chega á cita na novena praza (25 puntos) tras un tropezo, o de Peñíscola (4-1), que para os mariñáns non é máis que “unha motivación máis para o grupo ante novos compromisos”, explicaba o técnico laranxa. En fronte estará a quinta praza dos insulares, dirixidos polo exburelista Juanito (33 puntos): “É un dos mellores cadros da liga; destaca pola calidade técnica dos seus xogadores, con nutrida capacidade para definir” analizaba Juanlu, ao que engadía: “Debemos expoñer un partido físico, creo que somos mellores nas transicións e en intensidade. Debemos incomodalos e que non lles dure moito a pelota porque é un equipo que está máis cómodo levando o peso do partido que á contra” puntualizaba o adestrador da Mariña sobre as claves do partido.
A afección laranxa poderá gozar mañá do primeiro partido de Behroz en Vista Alegre, logo da súa estrea da semana pasada na pista do Peñíscola. Isi será unha semana máis baixa, pola súa rotura de fibras; prevese que poida estar de volta nun mes aproximadamente. Pola súa banda, nas filas insulares debutará o peche brasileiro Attos.
No partido de ida o Palma impúxose na casa 6-3.
Convocatoria Burela FS Pescados Rubén: 1. Edu, 3. Bellvert, 5. Iago Míguez, 9. Behroz, 10. Matamoros, 11.Chano, 13. Álex, 14. Miguel, 17. Carlitos, 23. Antoñito, 27. Renato, 30. Hélder
Convocatoria Palma Futsal: 1- Barrón, 2- Burrito, 4- Vadillo, 6- Joao, 7- Sergio, 10- Joselito, 13- Taffy, 14- Tomaz, 15- Medina, 16- Chicho, 18- Attos, 94- Paradynski.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
