A bomboneira lucirá este sábado as súas mellores galas na apertura dunha tarde de fútbol sala laranxa 
coas mellores ligas RFEF e LNFS. Ás 16.00 horas, con aires de final, o Burela FS Pescados Rubén, terceiro clasificado, recibirá o líder, Atlético de Madrid Navalcarnero, coa presenza do seleccionador nacional, José Venancio López Ferro como invitado de luxo.
O equipo da Mariña encomendarase ao apoio e alento de Vista Alegre para superar esta gran final para seguir pelexando por todo. As pupilas de Quico Otero comezarán o periplo da segunda volta coa súa arquirrival. Catro puntos separan as burelistas (37 puntos) do ansiado cumio, custodiado polas madrileñas (41). “É un rival que está intratable; só perdeu puntos con dous empates, pero o noso equipo está configurado para competir, con posibilidades de gañar a calquera” aseguraba o técnico laranxa en vésperas da gran cita. “Aínda queda toda a segunda volta somos conscientes da importancia destes puntos; son vitais para seguir con opcións”.
A única ausencia nas filas mariñás será a porteira Patri, en pleno proceso de recuperación tras unha intervención de menisco. Maite e Paula chegan con algunhas molestias.
No comezo ligueiro as burelistas sucumbiron en terras madrileñas 7-3.
Convocatoria Burela Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 14. Bea Mateos, 17. Maite, 18. Shiori, 19. Paula, 20. Tainã.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
