Foz, 31 de xaneiro do 2015.- Lorena Seivane foi elixida este venres, por unanimidade da Asemblea Local, candidata do BNG á alcaldía do Concello de Foz para as próximas eleccións municipais.
Lorena, actualmente responsable local do BNG de Foz, naceu na emigración no 1984, estudou Ciencias Empresariais e Económicas na UDC e traballa como empregada de banca. “Síntome moi orgullosa de ser elixida e representar ó BNG nas próximas eleccións municipais. Temos un compromiso con todos os focegos e focegas para darlle un cambio á vida política, económica e social de Foz poñendo o Concello ao servizo dos veciños e veciñas, creando mecanismos de participación e control cidadán, e defendendo, como é tradicional no BNG, uns servizos públicos de calidade para saír da actual parálise á que nos levaron estes últimos anos de desgoberno popular e doutras opcións que xa tiveron un longo recorrido e non demostraron ser unha alternativa real á dereita”.
O BNG de Foz coa elección de Lorena Seivane reflicte o proceso de cambio social e rexeneración política que se está producindo en todo o país, e que debe levar a un cambio e a unha renovación real da vida municipal, tanto de novas caras como de novas políticas que poñan a Foz onde lle corresponde.
Lorena Seivane representa a xuventude como motor de renovación e cambio, con ideas novas e novos folgos para levalas a cabo. “A ilusión coa que me vou presentar compaxínase coa insatisfacción dunha realidade social que non me gusta e que quero cambiar coa axuda e o apoio que me dean os veciños e veciñas de Foz. Non quero que a xente moza coma a min teña como única saída emigrar”, expresou a candidata nacionalista.
Ademais Lorena é a primeira muller candidata á alcaldía do Concello de Foz. Segundo as súas palabras “ser muller é un orgullo e unha gran responsabilidade. O feito de que unha muller acceda á alcaldía de Foz sería moi positivo desde o punto de vista da igualdade e da pluralidade. O cambio que Foz precisa tamén ten que vir por aí”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
