O Burela FS Pescados Rubén perdeu este sábado os tres puntos ante o líder (1-3). Logo dunha primeira parte na que as laranxas dominaron con velocidade e ritmo, o Atlético de Madrid Navalcarnero deu a volta ao 1-0 con dobre diana en tan só 20 segundos.
As pupilas plantábanse no seu mausoleo con máis enerxía ca nunca e ganas, moitas ganas, de gol. Aos 30 segundos de xogo, Maite xa levantou á afección laranxa nun disparo que se marchou rozando en paralelo a liña de meta. A capitá local asistiu a Peque, no minuto 3, nun man a man con Belén no que non saíu vitoriosa a laranxa; con todo, tan só un minuto despois Gaby si adiantou as de Quico, a pase de Peque. O monólogo local continuou no minuto 6 con Bea Mateos en carreira e disparo de Lara ao pau desde pase longo de Jozi. Ro intentou sorprender por abaixo á meta burelista no 8, na primeira ocasión perigosa das madrileñas. Superado o ecuador da primeira parte, Claudia, con despexe de Ju Delgado, e Shio, desde saque de esquina, tamén tiveron magníficas oportunidades de ampliar distancias. A falta de catro minutos para a bucina, Ariane tivo nos seus pés o empate, logo de superar Ro a defensa laranxa.
Tras o descanso o encontro adquiriu máis equilibrio entre ambas as escuadras. As burelistas non cesaron no seu empeño de perforar a meta visitante, aínda que as súas chegadas reducíronse. Despois da primeira ocasión das laranxas na segunda parte, de Shiori no minuto 23, fronte a Belén, a porteira madrileña freou a Maite no 25. Segundos antes, Leti tivo unha oportunidade de ouro para igualar a contenda, desbaratada primeiro por Jozi e despois por Maite. No 27, o disparo de Gaby desde córner marchouse alto. Rozando o ecuador a eficacia do líder fíxose patente e materializou por partida dobre en tan só 20 segundos, de Ariane desde saque de esquina de Natalia (minuto 29) e Leti en xogada individual desde a frontal (minuto 30) que non puido parar Jozi. Intensificaron o seu ataque as visitantes o seu perigo, coa atenta intervención da brasileira baixo os paus, fronte a Martica (minuto 31) e Leti (minuto 34); aínda que tamén puido recortar Gaby, no 36, á escuadra. A falta de pouco máis de tres minutos para o final, Quico Otero optou polo xogo de cinco con Shio; un minuto despois, Ariane subiu o definitivo 1-3 a porta baleira, superando a defensa laranxa. Antes de concluír a contenda do podio, Gaby aínda dispuxo dun bo disparo que despexou Belén.
Aínda queda moita liga por diante. A obriga do Burela FS Pescados Rubén segue sendo gañar e gañar.
Ficha técnica
Burela FS Pescados Rubén: Jozi, Claudia, Peque, Maite, Shiori, cinco inicial; tamén xogaron Gaby, Bea Mateos, Lara
Atlético de Madrid Navalcarnero: Belén, Ariane, Ju Delgado, Leti, Natalia, cinco inicial; tamén xogaron Ro, Peke, Martika, Fabi
Goles: 1-0, minuto 4, Gaby; 1-1, minuto 29, Ariane; 1-2, minuto 30, Leti; 1-3, minuto 37, Ariane
Tarxetas: Por Burela FS amarela a Gaby (minuto 28).Polo Atlético de Madrid amarela a Leti (minuto 26).
Árbitros: Roldán Pérez // Otero Baltasar (Pontevedra).
Incidencias: Partido correspondente á 16ª xornada de Primeira División RFEF, coa presenza do seleccionador nacional, Venancio López. Vista Alegre con arredor de 700 espectadores.
*Foto: Marián García Mesa.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
