Galicia ratifícase como líder nacional da clasificación de distintivos Q de Calidade ás instalacións náutico recreativas. Os portos galegos suman actualmente 13 dos 20 distintivos a peiraos deportivos outorgados polo Instituto para a Calidade Turística Española (ICTE) en toda España.
Os xestores das instalacións náutico recreativas que ostentan este galardón veñen de recibir a súa certificación na Feira Internacional de Turismo Fitur, en Madrid. En concreto trátase das entidades encargadas da xestión dos portos deportivos de Cabo de Cruz (Boiro), Portonovo (Sanxenxo), Club Náutico de Sada, Ribeira, Ría de Ares, Pedras Negras (O Grove), Nauta Sanxenxo, Real Club Náutico de Vigo, Cangas, Ribadeo, Club Náutico de Sanxenxo e Portosín (Porto do Son).
Todos os clubes merecedores da Q de Calidade pertencen á Asociación de Clubs Náuticos de Galicia, Asnauga, que impulsou a obtención destas certificacións coa colaboración de Portos de Galicia. O presidente do ente público, José Juan Durán, trasladou aos clubs a súa felicitación polo traballo realizado para a consecución deste galardón. Esta norma de calidade, pioneira no ámbito específico das instalacións náutico recreativas, establece uns requisitos que definen o nivel de servizo ao cliente, incrementando o valor engadido da propia instalación e impulsando o seu atractivo turístico.
As certificacións de calidade na prestación de servizos dos portos galegos únense ao recoñecemento ambiental que recibiu a comunidade autónoma o pasado verán ao ser galardoada con 17 Bandeiras Azuis aos Portos de Galicia.
Na actualidade, estanse a desenvolver en Galicia programas de calidade turística, dentro da marca Q nos subsectores turísticos relativos a hoteis, Turismo Rural, restaurantes, axencias de viaxes, cámpings, balnearios, servizos de restauración, espazos naturais protexidos, praias, axencias de viaxes, pazos de congresos, Turismo Activo e instalacións náuticas; programas nos que participan varias empresas turísticas galegas, das que 203 contan xa co distintivo Q de Calidade.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
