A Agrupación Cultural Francisco Lanza de Ribadeo anima a participar o vindeiro domingo, 8 de febreiro, na manifestación en defensa da nosa lingua en Santiago de Compostela ás 12.00 horas. E lembra a todas as interesadas e interesados que haberá autobuses desde A Mariña (Prezo: 3 euros adulto) e que para anotarse hai que chamar aos teléfonos: 982 581 861, 982 140 654 e 605 377 317.
Os últimos datos do Instituto Galego de Estatística mostran que o español é a lingua maioritaria nas persoas por debaixo de 50 anos. 3 de cada 4 rapaces e rapazas galegas de 5 a 14 anos (74’88%) son castelanfalantes. O 63’3% dos mozos e mozas galegas entre os 15 e 29 anos falan en castelán. De 30 a 49 anos predomina tamén o castelán (56’04%). O galego é lingua predominante entre os 50 e 64 anos e máis de 65. Estes datos reflicten un descenso do uso do galego en torno a dez puntos nos últimos dez anos.
Os datos da última enquisa do Instituto Galego de Estatística sobre a situación do galego non nos sorprenden. Reflicten a realidade. A realidade é que cada vez hai menos xente que fala galego. A realidade é que a Xunta de Galiza demostra un total desleixo e desprezo pola lingua. A realidade é que é imposíbel vivirmos en galego con normalidade.
O maior descenso de falantes do galego coincide co lustro máis agresivo e lesivo para a normalización da nosa lingua e cunha situación na que o galego, non só non conta cunha oficialidade real, senón que é a propia Xunta quen ataca a oficialidade formal que acadou.
Baixo o lema “Polas fillas dos nosos fillos”, esta manifestación foi convocada pola plataforma Queremos Galego da que forma parte a nosa asociación. Porque queremos que o galego teña futuro e que sexa a lingua dos máis novos e novas é importante acudir a Santiago de Compostela para mostrar compromiso coa lingua que nos une.
Ribadeo, 2 de febreiro de 2015.
Dores Fernández Abel, Presidenta.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
