“A realidade deixa unha vez máis en evidencia ao Partido Popular”, subliñou a Deputada de Economía, Recadación e Facenda, Pilar García Porto, posto que o actual Goberno provincial multiplicou por 370 os investimentos en políticas de emprego que facía o PP á fronte da Deputación”. Deste xeito, “segundo se pode constatar nos Orzamentos, un documento oficial e público, dos 18.030 euros que deixaron consignados os populares nos anos 2006 e 2007 para fomento do emprego, o actual Goberno progresista pasou aos 6,6 millóns de euros neste 2015, cando non temos as competencias”. “Esta é unha cuestión de vontade e sensibilidade política, porque a responsabilidade en emprego é de Xunta e Goberno central”, recalcou.
García Porto atribúe deste xeito “o novo disparate e gran atrevemento” da voceira provincial do PP á súa “desinformación absoluta e falta de rigorosidade, o que está rematando coa súa credibilidade e solvencia política. De feito, xa está en dúbida dentro do seu propio grupo, e atópase nunha feble situación dentro do seu partido, algo que todo o mundo coñece”.
O emprego é a prioridade número 1 da Deputación “dende que entramos nós a gobernar, todo o contrario que para Feijóo, que recortou nun 54% as políticas de emprego dende que goberna, e Rajoy, que rebaixou só neste 2015 as partidas en 4.500 millóns de euros”, destacou a Deputada. “É surrealista que esta persoa, que se erixe como representante na provincia do seu partido e dos traballadores, nos veña a dar leccións nesta materia, cando para eles os parados e as familias son os grandes esquecidos, no Goberno galego, non central, e tamén cando gobernaban aquí”.
A Deputada de Economía explicou que os 5 millóns aos que se refire o PP corresponden á dotación orzamentaria do plan Ben Empregado!, unha iniciativa pioneira entre as administracións galegas “que xa está en marcha, que xa temos en execución, tal e como demos a coñecer”. En canto á cantidade restante, 800.000 euros, “descoñecemos de onde saca esa cifra a voceira popular, aínda que non é a primeira vez que manipula e inventa cifras…” “Na provincia, nin están, nin se lles espera, iso xa o saben todos os veciños, pero o máis grave é que intenten desprestixiar as accións en prol dos lucenses que levamos a cabo na Deputación”.
Á cabeza en execución
García Porto lembrou que, segundo os últimos datos oficiais, a de Lugo está á cabeza das Deputacións galegas cun nivel de execución orzamentaria máis elevado e avanzou que ao peche de 2014 a porcentaxe chega ao 80%. Ao mesmo tempo, mantense entre as menos endebedadas de España, coa previsión de acadar o endebedamento financeiro cero no ano 2016. É ademais a Deputación galega que máis inviste por habitante. “Xa lle gustaría ao resto de deputacións galegas e á propia Xunta ter uns resultados económicos tan positivos”, recalcou García Porto.
“En caso de que o Partido Popular non saiba ler os datos ou teñan algunha dúbida, máis aló de manipulacións intencionadas, atenderémolos gustosamente para explicarlles todo e cantas veces sexan necesarias, a ver se así deixan de tratar de enganar ós lucenses, asegurou a Deputada.
García Porto preguntouse ó mesmo tempo se o PP de Galicia se mostrará tan preocupado por cuestionar o nivel de execución orzamentaria das restantes deputacións galegas, pois a de Pontevedra deixou no 2013 sen gastar 121,4 millóns de euros; e a da Coruña, 119,3 millóns, “ou soamente se preocupan pola de Lugo porque non está gobernada polo seu partido”.
“A súa ambición é o poder, non prestar servizos aos veciños”, sinalou a delegada de Economía, quen recordou que este Goberno provincial “está a saldar, unha a unha, todas as débedas históricas que os populares deixaron cos lucenses, como o pago da débeda do canon hidroeléctrico de Chantada, a transferencia dos hospitais, a posta en marcha dos parques de bombeiros, a construción da sede da UNED en Lugo ou a recuperación como patrimonio público de todos os veciños da provincia das pezas de Álvaro Gil ou o Pazo de Tor”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
