O Burela FS Pescados Rubén recuperou a senda triunfal este sábado, no debú de Lucas no banco, levando o derbi galego a domicilio fronte ao Cidade das Burgas (2-3). As laranxas armáronse de intensidade e implicación para marcar os tempos do partido en todo momento.
As mariñás saltaron á pista para levar a voz cantante, sendo donas das ocasións e non permitindo o avance do rival, con ocasións só xeradas por perdas burelistas. Gaby anotou o 0-1 xa no minuto 4, desde saque de banda, pero a ansiedade por ampliar distancias xogaba na súa contra con certos desaxustes. Penalizadas pola acumulación de faltas, as laranxas víronse obrigadas a mitigar o seu ímpeto para non correr demasiados perigos. Precisamente a igualada chegou no minuto 18 cun dobre penalti de Iria.
Na segunda parte, as locais aproveitaron para adiantarse a balón parado, coa firma de Lucía Nespereira no minuto 28. A vantaxe das ourensás incidiu no ánimo das pupilas de Lucas, que enseguida se recompuxeron para volver tomar as rendas da cita; empataron superado o ecuador do segundo período con Shiori desde cerca da área asistida por Maite e Gaby no 33 entendeuse á perfección con Peque en contraataque para materializar o 2-3. As faltas volveron condicionar ao Pescados Rubén na súa lectura do duelo. Co Burela xa con cinco faltas, as locais dispuxeron de ata tres dobres penaltis, que non lograron materializar ante Jozi.
Ficha técnica
Cidade das Burgas FS: Ana, Vanessa, Lucía Nespereira, Sonia Pacios, cinco inicial; tambén xogaron Iria, María Arias, Candea.
Burela FS Pescados Rubén: Jozi, Peque, Gaby, Claudia, Shiori, cinco inicial; tamén xogaron Maite, Bea Mateos, Taina, Kiko, Lara.
Goles: 0-1, minuto 4, Gaby; 1-1, minuto 18, Iria; 1-2, minuto 28, Lucía; 2-2, minuto 31, Shio; 2-3, minuto 33, Gaby.
Tarxetas: Por Cidade das Burgas amarelas a Figo (19), Iria (25), Sonia (30). Por Burela FS amarela a Kiko (35) e dobre amarela a Gaby (6 e 39).
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
