Cervo, 23 de febreiro de 2015- O Concello de Cervo fixo unha valoración dos actos de apertura do campo de fútbol municipal da Veiga que se celebraron onte, unha xornada “moi emotiva e que vivimos con moita satisfacción”, asegura o alcalde, Alfonso Villares xa que “a partir de agora os nosos clubs, os nosos xogadores, os nenos e rapaces do noso concello e o fútbol de base contan cun campo de alta calidade e resistencia, e que estará sempre en perfectas condicións”.
Ao mesmo tempo o rexedor destacou que no primeiro día de competición tras a remodelación “o campo encheuse de actividade e de vida”, referíndose aos dous encontros celebrados durante o día pero tamén á cantidade de nenos e nenas “que aproveitaron a xornada de portas abertas para xogar e probar as novas instalacións”.
Villares manifestou que o papel dos clubs é “fundamental á hora de manter a actividade deportiva dende as categorías inferiores” e agradeceu a súa labor. Pero ademais asegura que “nestes tempos tamén é fundamental que os nenos e mozos conten con instalacións de calidade, que permitan practicar deporte coa intensidade que requiren as categorías de base, e iso só é posible cun campo coma o da Veiga, preparado para soportar calquera situación meteorolóxica, e incluso horas e horas de xogo continuado ao día, mentres o campo se mantén en óptimas condicións”.
O alcalde lembrou que o novo campo municipal abre “novas posibilidades deportivas, e permite traballar nun obxectivo moi importante, como é que os nosos nenos e rapaces practiquen deporte no noso concello e, con iso, axudar a facer pobo”. De feito asegura que as obras de remodelación do campo “foron feitas pensando especialmente nos nosos nenos e na nosa xuventude”, engade o rexedor.
Unhas obras que foron promovidas e financiadas polo Concello de Cervo e que tiveron un custo de 380.000 euros, destinados a modernizar o terreo de xogo, tendo como resultado “o único campo de herba artificial de Galicia que utiliza materiais e sistemas de última xeración”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
