Estrasburgo, 10 Marzal 2015. A instancia da eurodeputada da Alternativa Galega de Esquerda en Europa (AGEe), Lídia Senra, na tarde deste martes debatiuse na reunión do Grupo da Esquerda Unitaria Europea-Esquerda Verde Nórdica (GUE/NGL) sobre as repercusións que a finalización do sistema de cotas leiteiras previsto para o vindeiro 31 de marzo tería nas produtoras e produtores de leite da Unión Europea (UE).
Senra, coordenadora na Comisión de Agricultura do Parlamento Europeo (PE) para o GUE/NGL, resalta que a política leiteira “é moi importante para a UE”, xa que “abarca moitas zonas rurais que se manteñen grazas á ‘economía do leite’, como ben sabemos na Galiza”. Por iso, “é fundamental dar un debate no grupo parlamentario sobre o que significaría o fin das cotas do leite, é dicir, sobre as consecuencias da liberalización total do mercado”.
Só na Unión Europea, segundo datos do Observatorio Europeo do Mercado do Leite para a campaña 2014-2015, xa en novembro do pasado ano levabamos acumulado un aumento de produción do 4’7%, un incremento que tamén experimentaron no 2014 os países considerados como grandes produtores mundiais de lácteos: Estados Unidos, 2’4%; Australia, 2’6% e Nova Zelandia o 4’1%.
Esta suba global da produción de lácteos –prevista tamén para todo o ano 2015[1]- , unida á baixada do consumo provocada por factores como a contracción da demanda na China -que mantén un acordo comercial preferente con Nova Zelandia á hora de mercar leite- ou o veto ruso, é unha das principais causas de que o prezo do leite estea a descender a nivel global, polo que o fin do sistema de control de produción que significan as cotas na UE conlevaría un incremento de excedentes no mercado que repercutiría negativamente no prezo do leite.
Para a eurodeputada galega, “o GUE/NGL ten que ser consciente desta situación e dar un debate dende a perspectiva da esquerda dentro do Parlamento Europeo”, a fin de “adquirir unha posición diante da finalización do sistema de cotas” e co obxectivo de traballar para “tentar articular alternativas”.
Lídia Senra rexistrou xa no mes de xullo do ano pasado unha pregunta parlamentaria dirixida á Comisión Europea ao respeito das consecuencias da ausencia de control da produción leiteira na UE.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
