A Mariña, 11 de marzo de 2015. O BNG na comarca da Mariña pregúntase cal é o beneficio para a veciñanza de Muras que vai ter o investimento na rehabilitación da Aldea de Carelle Grande, onde segundo o proxecto, foron investidos mais de 2,28 millóns de euros dos que 392.000 foron parar ao peto do alcalde pola venta de propiedades das que era titular ao concello que preside. Segundo a formación nacionalista o concurso foi publicado no BOP de Lugo o 5 de marzo cun prazo de admisión de solicitudes de 10 días para ofertar a concesión da xestión da aldea etnográfica pola cantidade de 6.000 euros ao ano por cinco anos con posibilidade de renovación.
Cualifican de ridícula a cantidade a cobrar pola cesión en relación ao investimento realizado
Para o BNG mariñao os 6.000 euros ao ano polos que se oferta a cesión administrativa das instalacións da Aldea Etnográfica de Carelle Grande para a súa explotación “é unha cifra ridícula tendo en conta o investimento previsto neste proxecto que, aínda non estando rematado, contemplaba unha cifra inicial de 2.279.744 euros”.
Cales son os beneficios sociais e de dinamización económica prometidos polo alcalde?
O vice-responsábel comarcal do BNG da Mariña, Xoán Antón Estúa, “preguntouse onde está o beneficio social para a veciñanza de Muras?, e onde os postos de traballo que se anunciaban durante a súa rehabilitación que alcalde cifrou en 20 persoas si parte do persoal que executou a obra foi persoal do propio concello?, e onde os 30 postos de traballo que segundo Issam Alnagm creará a posta en funcionamento deste proxecto?
De momento o único beneficiado econonomicamente é o propio alcalde
Para o responsábel nacionalista mariñao “o dato e a cifra certa é que Issam Alnagm obtivo como beneficio directo o 17,20% dos 2,3 millóns de euros previstos no proxecto pola venta de propiedades das que era titular ao concello que preside”.
Estúa especificou que o concello de Muras mercou en 2010, 184 fincas e 20 inmobles por importe de 566.272,05 euros. “Desta cantidade o alcalde e a súa familia cobraron 341.924,30 euros pola venta ao concello de 109 fincas e 6 inmobles e 50.013,92 euros pola venta de madeira plantada nas mesmas fincas. Como conclusión hai outro dato certo e contrastable: Issam Alnagm e a súa familia ingresaron o 69% do gasto desembolsado polo concello que el mesmo preside pola venta de bens para a execución da aldea etnográfica”, concretou Estúa.
Como se cuantifican a horas realizadas por persoal municipal en traballos desempeñados na rehabilitación da aldea etnográfica?
Desde o BNG mariñao tamén se preguntan si o concello de Muras ten cuantificado en termos económicos as horas realizadas por operarios municipais na aldea etnográfica e polo tanto deixando de atender outros traballos en beneficio do conxunto da veciñanza de Muras. Foi e é comprobable ver como operarios do concello axudan a empresas adxudicatarias de obras nos traballos de rehabilitación, deixando sen atender traballos da súa competencia polo que os custes de execución das obras deberían multiplicarse.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
