Burela, 18 de marzo de 2015. O vicepresidente e responsábel de Benestar e Deporte da Deputación de Lugo, o nacionalista Antonio Veiga, achegouse este mércores a Burela para coñecer de primeira man o avance das obras de acondicionamento do futuro centro de ocio para persoas con capacidades diferentes da Asociación Camiña, un proxecto co que colabora a Área de Benestar achegando 50.000 euros.
Logo de visitar as obras, Veiga reuniuse coa directiva da Asociación Camiña no hotel Nordés, onde puideron observar os planos e a recreación do futuro centro. O vicepresidente provincial valorou a importancia destas novas instalacións, “xa que máis de 30 usuarios e usuarias de Burela e de practicamente todos os concellos da comarca da Mariña se beneficiarán da apertura deste centro de ocio que se está construíndo na rúa Rafael Dieste. Para axudar na súa posta en marcha asinamos un convenio por valor de 50.000 euros para habilitar un local onde poidan desenvolver as súas actividades, porque até o de agora o estaban facendo nun local cedido polo Concello de Burela que non reunía as mellores condicións”, salientou.
Antonio Veiga lembrou que o centro de ocio “contará cunha superficie de 370 metros cadrados, será propiedade da Asociación Camiña e alí se realizarán todo tipo de actividades de ocio e logopedia”. O responsable de Benestar e Deporte agarda que “as obras de acondicionamento estean rematadas en agosto e xa poida comezar a ser utilizado no mes de setembro”, sinalou.
No convenio firmado coa institución provincial establécese que neste centro de ocio se levarán a cabo actividades lúdico-educativas e de desenvolvemento físico como as de reforzo educativo, logopedia, fisioterapia, terapia ocupacional, obradoiros de manualidades, de teatro, de musicoterapia, de repostería, creativos, cine, informática e manexo de novas tecnoloxías, así como charlas e conferencias sobre discapacidade ou celebracións de diferentes eventos durante o ano, tales como o magosto ou o antroido.
Falta de colaboración da Xunta coas asociacións do eido do Benestar
Antonio Veiga aproveitou a súa visita para lamentar “a situación que están vivindo moitas asociacións que traballan no ámbito da discapacidade e do benestar. É unha situación complexa, xa que están sufrindo día a día múltiples recortes e contan con poucas axudas para levar adiante ese traballo tan importante que están facendo”, afirmou.
Contrasta coa liña de actuación da Vicepresidencia Primeira. “Desde a Área de Benestar o noso compromiso sempre foi axudar e por iso colaboramos anualmente con 35 asociacións que traballan nese ámbito, porque cremos que a súa labor é totalmente necesaria e indispensable. E, ademais, coincidimos con eles en que non é de recibo o tratamento que lle están dando os gobernos do Partido Popular, tanto desde o Estado como desde a Xunta, recortando esta última a maioría das axudas en materias de benestar social, mentres a Deputación incrementou este ano nun 30% o investimento en servizos socias”, asegurou.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
