Bruxelas, 19 Marzal 2015. Como denunciamos tamén este mércores dende Frankfurt nas mobilizacións contra a insultantemente ostentosa nova sede do Banco Central Europeo (BCE), as institucións que integran a denomidada “Troika”, baixo a desculpa da crise, están a “regatear cos nosos dereitos impoñendo a destrución dos nosos servizos públicos”, criticou hoxe a deputada de Alternativa Galega de Esquerda en Europa (AGEe) dende Bruxelas.
“Os recortes e as políticas de desmantelamento e privatización da Sanidade Pública matan persoas, iso temos que telo claro”, aseverou a eurodeputada galega, “son unha consecuencia máis das imposicións depredadoras da Troika, ben apoiada por partidos como o PP e o PSOE, que non dubidaron en pactar a reforma do Artigo 135 da Constitución para priorizar o pago da débeda nos orzamentos xerais do Estado, antepoñéndoa aos propios dereitos humanos da súa poboación”.
Probas médicas que se demoran durante meses, imposibilidade de pagar os medicamentos, falta de material e persoal nos hospitais, camas nos corredores de urxencias, aceleramento das altas médicas para reducir o gasto de coidar as persoas doentes, peche de hospitais… “estas son as consecuencias de estarmos sometidas a políticas que entenden a saúde non como un dereito, senón como un negocio, e non o podemos permitir”, evidenciou Senra.
Dende Alternativa Galega de Esquerda en Europa denunciamos “a estratexia de deterioro da Sanidade Pública ca que a Xunta de Galicia pretende empurrarnos á sanidade privada e converter a saúde no privilexio duns poucos”, estratexia reflectida no recorte de orzamento sanitario do 12,3% -460millóns de euros- imposto polo Goberno galego dende o ano 2009, o cal supuxo a perda de 2.094 postos de traballadoras/es sanitarias/os, ao tempo que dende a Xunta non se dubidou en destinar un escandaloso 48,8% dos fondos ao sector privado e tan só un 7,1% aos centros públicos.
Polo tanto, AGEe apoiará as concentracións e manifestacións convocadas para hoxe pola plataforma SOS Sanidade Pública en oito vilas e cidades galegas baixo os lemas “Os recortes matan” e “Non ao negocio coa saúde”.
Aliás, sinalou Senra, “queremos trasladar moi especialmente a nosa fonda solidariedade e recoñecemento á loita das catro traballadoras e traballadores de Povisa en folga de fame dende o pasado martes día 10 en protesta polos 13 despedimentos aprobados pola dirección do hospital”, así como salientar “a nosa total repulsa polas deleznabeis estratexias de coacción cas que a Xerencia de Povisa está a atacar a estas profesionais da sanidade que están a exercer o seu lexítimo dereito á folga”.
Ao fío das preguntas parlamentarias rexistrada pola eurodeputada de AGEe ao respeito de temas como as dificultades para o pagamento de medicamentos, o acceso restrinxido a medicamentos para enfermos de hepatite ou o recorte de dereitos sociais a través da estratexia de “austeridade económica”, Lídia Senra continuará denunciando no Parlamento Europeo as consecuencias que os recortes nun ámbito fundamental para calquera persoa como é o da saúde están a ter para o noso país. “Cando recortan en Sanidade, estannos atacando directamente”, sentenciou.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
