Cervo, 23 de marzo de 2015.- As obras de acondicionamento e remodelación da Casa do Mar de San Cibrao para poder instalar nela o Punto de Atención á Infancia xa están en marcha. En concreto, vaise actuar na planta baixa, en 206 m2 de superficie, e tamén na zona exterior, en 115 m2, uns espazos que se van adecuar a este novo uso cumprindo a normativa de centros infantís e urbanística.
O proxecto vai ser financiado polo Concello de Cervo con fondos propios, que vai investir un total de 72.800 euros. Ao remate das obras, o PAI poderase trasladar dende a zona do faro á Casa do Mar, “nunha situación máis céntrica e cunhas instalacións modernas e de calidade, deseñadas especificamente para a educación infantil” asegura o alcalde, Alfonso Villares, que presentou o proxecto xunto á edil de Educación, Pilar Armada.
Hai que destacar que o Concello xa tiña preparado o proxecto para levalo a cabo de forma inmediata en canto tivese o permiso do Goberno do Estado para utilizar a Casa do Mar. De feito, a comezos do mes de marzo o alcalde asinaba o acordo de cesión e pouco despois daban comezo as obras.
O rexedor asegura que “a nosa intención é que antes de que remate o curso, o PAI poida estar funcionando na nova ubicación”. Para iso “imos traballar para que a empresa axilice as obras, pero sempre garantindo a súa calidade e adecuación ao proxecto”.
Proxecto
O proxecto para remodelar este inmoble inclúe unha importante redistribución do espazo atendendo ao novo uso que se lle vai dar, a reforma dos baños, a creación de zonas de hixiene infantil para as aulas, obras na instalación de fontanería e saneamento, a mellora dos acabados no chan, as paredes e o teito ou a dotación de mobiliario e equipamento.
Patio exterior
Ao mesmo tempo, o PAI disporá dun parque exterior, que será acondicionado e valado aproveitando un espazo anexo á Casa do Mar. Ademais, abrirase un oco na fachada que comunicará o interior con este patio a través dunha rampla. Cabe destacar que, ao tratarse dun espazo dedicado á educación infantil, contará con todas as medidas de seguridade e protección que establece a normativa
1.164 m2 para servizos e actividades
Villares destaca que agora que o Concello dispón da Casa do Mar, traballarase para mellorar e ampliar o servizos municipais que se prestan. De feito, despois da cesión ábrense novas posibilidades ao contar con máis de mil metros cadrados de espazos e nunha situación céntrica.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
