Burela, 25 de marzo de 2015.- Este mércores deron comezo as obras de prolongación do martelo que separa as zonas comercial e pesqueira no porto de Burela. O investimento ascende a 483.000 euros. O alcalde, José Mª González Barcia, subliñou o compromiso da Xunta co municipio.
O rexedor explicou que “no día de hoxe empezaron as obras de prolongación do martelo que separa a zona comercial da pesqueira no porto de Burela, que teñen un investimento de 483.000 euros e que foron adxudicadas por Portos de Galicia á empresa Oys Noroeste”. González Barcia lembrou que “esta actuación foi consensuada no seu día entre o Concello, o sector pesqueiro (confraría e ABSA) e o propio ente Portos de Galicia de cara a mellorar a seguridade da dársena interior do porto de Burela. No seu día tamén se presentaron distintas alternativas e a opción elixida, que é a que se está aplicando, é a recomendada polos técnicos e a que o propio sector considera máis útil e que pode solucionar de forma efectiva os problemas que había ata agora”.
O alcalde de Burela indicou que “actualmente estase preparando todo o que se refire ao forxado dos bloques, que dentro dun mes aproximadamente comezarán a ser colocados para que este martelo, que agora mesmo ten 50 metros, gañe 20 metros máis de lonxitude. Creo que con este investimento, máis outro que ten feito Portos de 130.000 euros aproximadamente na colocación de bloques no espigón de abrigo, se demostra o compromiso que ten a Xunta de Galicia co porto de Burela”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
