Viveiro, 26 de marzo de 2015.- O Partido Popular anunciou este xoves que a Xunta de Galicia estaría disposta a mediar no conflito laboral de Vestas, sempre que empresa e traballadores estean de acordo e así o soliciten.
Os populares anuncian a disposición da administración autonómica por intermediar na procura dunha solución que contribúa a despexar a incógnita sobre o futuro da fábrica de Chavin.
Desde o PP adiantan que o órgano competente para facer esa mediación sería o Consello Galego de Relacións Laborais, entidade especializada na participación neste tipo de conflitos e na procura de solucións de consenso e entendemento.
Os populares demandan vontade de diálogo para buscar alternativas ao peche temporal de actividade así como para manter os postos de traballo e confían na posibilidade de que se chegue finalmente a un acordo favorable para o presente e futuro dos traballadores e desta factoría
Así o trasladaron hoxe nunha reunión que mantiveron esta tarde co Comité de Empresa de Vestas en Viveiro, e na que participaron os deputados autonómicos Jose Manuel Balseiro e Vidal Martínez Sierra, a portavoz popular na Deputación provincial, Elena Candia e o presidente local dos populares, Antonio Bouza
Declaración institucional pactada
Por outra banda o PP tamén anunciou que promoverán a aprobación dunha Declaración Institucional no vindeiro pleno da Deputación de Lugo na que ademais de reiterar o apoio aos empregados da planta de Chavín, se inste ás administracións, cada unha en función das súas competencias, a involucrarse impulsando as iniciativas e ferramentas ao seu alcance para superar o conflito.
Os populares anunciaron que o texto proposto foi pactado cos representantes dos traballadores así como tamén a idoneidade da presentación ante a Deputación de Lugo, aproveitando que ten previsto celebrar un pleno xa na vindeira semana, e co obxecto de evidenciar o apoio unitario de todas as forzas políticas ante a demanda dos profesionais afectados polo ERE.
Lembremos que a empresa Vestas emprazada na localidade lucense de Chavín (Viveiro), vén de anunciar o inicio das conversacións co Comité de Empresa para a aprobación dun expediente de regulación de emprego para, polo menos, 54 traballadores e outro ERE máis, de carácter temporal, para os 95 empregados restantes
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
