Foz, 27 de marzo de 2015.- O alcalde de Foz, Javier Jorge Castiñeira, asinou esta mañá un convenio co presidente da asociación de comerciantes, industriais, servizos e autónomos (Acia) local, José Carlos Paleo, para a posta en marcha do Centro Comercial Aberto, creado recentemente. Este acordo contempla unha achega por parte do Concello de 15.000 euros.
O rexedor municipal explicou que “é unha boa nova para o comercio, para a Acia e para o Centro Comercial Aberto de Foz, porque vimos de firmar co presidente da Acia de Foz, José Carlos Paleo, ese convenio de fomento e posta en marcha do Centro Comercial Aberto, que supón un financiamento de 15.000 euros por parte do Concello. O CCA xa está funcionando dende hai uns meses e creo que é un momento ideal, agora que comeza a Semana Santa, porque hai campañas importantes da Acia e do Centro Comercial Aberto. Un exemplo do compromiso do Concello de Foz co noso comercio son estes 15.000 euros que van servir para a posta en marcha do CCA, que é moi importante para o noso concello e para tratar de dinamizar o noso comercio moito máis”.
Javier Castiñeira engadiu que “é un cambio importante, que naceu no pasado ano cando nos visitou aquí a directora xeral de Comercio da Xunta de Galicia. Entre todos vamos tratar de axudar a que esta nova iniciativa da Acia sexa un motor para o comercio local”.
O alcalde tamén abordou outros temas na reunión de hoxe co presidente da Acia focense: “tratamos diferentes asuntos importantes para o comercio local e nos que estamos completamente de acordo dende o goberno de Foz, como tratar de potenciar ao máximo as compras do propio Concello no comercio local, algo que xa se fai pero evidentemente sempre é mellorable; igual que pedimos aos veciños que compren aquí é certo que o Concello tamén pode mellorar esa dinámica de compra no comercio local. E unha vez que as contas municipais melloraron ostensiblemente trataremos de reducir o período de pago aos provedores, evitando as demoras que houbo nos anos anteriores polos problemas económicos que tiña o Concello, pero coa situación económica que ten agora mesmo isto mellorará substancialmente. Tamén hai un compromiso por parte do Concello de levar neste mes o recoñecemento extraxudicial de facturas que quedaron fóra da contabilidade do ano pasado, para evitar esa demora nos pagos a provedores, moitos deles do noso concello”.
Castiñeira rematou comentando que falou co presidente da Acia “de cousas serias: de financiamento, de compromisos e dende logo quedou claro o noso máximo apoio ao noso comercio, aos empresarios e aos emprendedores que están iniciando unha nova andadura no ámbito empresarial, que hoxe en Foz son moitos”.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
